'മലപ്പുറത്തുതന്നെ കാണുമെന്ന് എസ്.പി വെല്ലുവിളിക്കുന്നു; മുഖ്യമന്ത്രിയുമായുള്ള ബന്ധമെന്ത്?'; താനൂര്‍ കസ്റ്റഡിക്കൊലയില്‍ എം.എസ്.എഫ്

പ്രതികളായ ഡാൻസാഫ് ഉദ്യോഗസ്ഥരെ സംരക്ഷിക്കാൻ എസ്.പി വക്കീലിനെ വച്ച ശബ്ദരേഖ പുറത്തുവന്നിട്ടും എന്തുകൊണ്ടാണ് ഈ സർക്കാർ എസ്.പിയെ സംരക്ഷിച്ചുപോരുന്നത്? തന്നെ ചതിച്ച് പ്രതിയാക്കുകയാണ് എസ്.പിയെന്ന് താനൂർ പൊലീസ് എസ്.ഐ കൃഷ്ണലാൽ കൈകൂപ്പി കരഞ്ഞുപറഞ്ഞിട്ടും എന്താണ് അധികാരികൾക്ക് അനക്കമില്ലാത്തത്? മലപ്പുറം എസ്.പിയും മുഖ്യമന്ത്രിയും തമ്മിലുള്ള ഇത്ര വലിയ ബന്ധമെന്താണ്? ഇദ്ദേഹത്തോടൊപ്പം ചാർജെടുത്ത മറ്റു ജില്ലകളിലെ എസ്.പിമാരെ സ്ഥലംമാറ്റിയ മുഖ്യമന്ത്രി എന്തുകൊണ്ടാണ് മലപ്പുറം എസ്.പി സുജിത് ദാസിനെ മാത്രം സ്ഥലം മാറ്റാതെ സംരക്ഷിക്കുന്നത്?

മലപ്പുറം എസ്.പി പിണറായി വിജയനെ 'അങ്കിൾ' എന്നാണത്രെ വിളിക്കുന്നത്..! അതുകൊണ്ടാണോ പൊലീസ് നിയമചട്ടങ്ങളെ അട്ടിമറിച്ച് ഈ ക്രിമിനൽ എസ്.പി സ്വയം രാജാവായി വാഴുന്നത്? ചോദ്യം ചെയ്യുന്നവരെ വേട്ടയാടിയും സ്വന്തക്കാർക്ക് കേരളത്തെ കീറിമുറിക്കാൻ അനുമതി നൽകിയും ഈ സർക്കാർ മുന്നോട്ടുപോകുമ്പോൾ എന്തുകൊണ്ടാണ് പൊതുമനസ്സിങ്ങനെ ശബ്ദമില്ലാത്തവരായി നിൽക്കുന്നത്?

ഈ മാസം ആദ്യവാരത്തിൽ ചേർന്ന ജില്ലാ പൊലീസ് മീറ്റിംഗിൽ 'എന്നെ പ്രതിപക്ഷത്തിന് ഒന്നും ചെയ്യാൻ കഴിയില്ല, ഞാൻ മലപ്പുറത്ത് തന്നെ കാണുമെന്ന് സുജിത്ദാസ് വെല്ലുവിളിക്കുമ്പോൾ തന്റെ മേലുദ്യോഗസ്ഥർക്കെതിരെ ചില തെളിവുകൾ കയ്യിലെ ലാപ്പ്ടോപ്പിലുണ്ട്, അതുകൊണ്ട് തന്നിലേക്ക് ഒരന്വേഷണവും വരില്ലെന്ന ധാരണയുടെ അഹങ്കാരത്തിലാണോ?

നീതിക്കുവേണ്ടിയുള്ള പോരാട്ടങ്ങൾ തുടരാം.

Summary: MSF Kerala state president PK Navas makes strong allegations against Malappuram SP Sujith Das and CM Pinarayi Vijayan in Thamir Jifri custodial death in Tanur