എരുമേലിയില്‍ ശബരിമല തീർഥാടകരുടെ ബസ് മറിഞ്ഞ് ഒരാൾ മരിച്ചു

കോട്ടയം: കോട്ടയം എരുമേലിക്ക് സമീപം അട്ടിവളവിൽ ശബരിമല തീർത്ഥാടകരുടെ ബസ് മറിഞ്ഞ് ഒരാൾ മരിച്ചു. മാരുതി ഹരിഹരൻ (40) ആണ് മരിച്ചത്.ഒരാൾക്ക് ഗുരുതര പരിക്കേറ്റിട്ടുണ്ട്.   20 പേരെ നിസാര പരിക്കുകളോടെ ആശുപത്രിയിൽ പ്രവേശിപ്പിച്ചു.

ബസിനുള്ളിൽ ആളുകൾ കുടുങ്ങിക്കിടക്കുന്നു.  കര്‍ണാടയില്‍ നിന്നുള്ള തീർഥാടകർ സഞ്ചരിച്ച ബസാണ് അപകടത്തിൽപ്പെട്ടത്. എരുമേലി പൊലീസും നാട്ടുകാരും ചേർന്ന് രക്ഷാപ്രവർത്തനം നടത്തുന്നു. സ്ഥിരമായി അപകടമുണ്ടാകുന്ന സ്ഥലമാണ് ഇതെന്നാണ് നാട്ടുകാര്‍ പറയുന്നു. ബസിലുണ്ടായിരുന്ന മുഴുവന്‍ പേര്‍ക്കും പരിക്കേറ്റിട്ടുണ്ട്. പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്.