പെരുമ്പിലാവ് അൻസാർ അലുംനി മെഗാ സംഗമം 'ഒഡീസി23' നാളെ

ത്യശൂർ: പെരുമ്പിലാവ് അൻസാർ ഇംഗ്ലീഷ് സ്‌കൂളിലെ പൂർവ വിദ്യാർത്ഥി മെഗാ സംഗമം 'ഒഡീസി23' നാളെ നടക്കും. സ്‌കൂളിൽവെച്ച് നടക്കുന്ന സംഗമം ഡോ എം പി അബ്ദുസ്സമദ് സമദാനി ഉദ്ഘാടനം ചെയ്യും. പരിപാടിയിൽ ലോക്‌സഭ എം പി രമ്യ ഹരിദാസ്, ഗാനരചയിതാവ് റഫീഖ് അഹമ്മദ്, സംവിധായകൻ മുഹ്‌സിൻ പരാരി, ഷെഫ് പിള്ളൈ തുടങ്ങിയവർ സംബന്ധിക്കും.

രാവിലെ 9 മണിമുതൽ രാത്രി 10 വരെ നീണ്ടു നിൽക്കുന്ന സംഗമത്തിൽ വ്യത്യസ്ത മേഖലകളിൽ കഴിവ് തെളിയിച്ച പൂർവ വിദ്യാർത്ഥികളെയും ദീർഘകാലം സേവനമനുഷ്ഠിച്ച അധ്യാപകരെയും ജീവനക്കാരെയും ആദരിക്കും.

അൻസാർ സ്‌കൂൾ ഓഫ് ഖുർആൻ വിദ്യാർത്ഥികളുടെ കോൺവോക്കേഷനും പരിപാടിയുടെ ഭാഗമായി ഉണ്ടാകും. സംഗമത്തിൽ മെഹ്ഫിലെ സമാ നയിക്കുന്ന സൂഫി ഗസൽ സന്ധ്യ , ദാന റാസിഖും ഫാത്തിമ ജഹാനും ചേർന്നൊരുക്കുന്ന സംഗീത നിശ എന്നീ പരിപാടികളും അരങ്ങേറും.