യുവാവിനെ ബൈക്കില്‍ എത്തിയ അജ്ഞാതര്‍ മര്‍ദിച്ചതായി പരാതി
ചവിട്ടി താഴെയിട്ട ശേഷം ബൈക്കിന്റെ ചെയിന്‍ ഉപയോഗിച്ച് അടിച്ചു
Update: 2021-12-27 02:48 GMT
തിരുവനന്തപുരം പൂവച്ചലില്‍ യുവാവിനെ ബൈക്കില്‍ എത്തിയ അജ്ഞാതര്‍ മര്‍ദിച്ചതായി പരാതി. പൂവച്ചല്‍ കുറവന്‍കോണം സ്വദേശി സുഭാഷിനാണ് മര്‍ദനമേറ്റത്.
അക്രമികളുടെ കയ്യില്‍ വടിവാളടക്കമുള്ള മാരകായുധങ്ങള്‍ ഉണ്ടായിരുന്നതായി സുഭാഷ് പറയുന്നു. കര്‍ണാടക രജിസ്‌ട്രേഷനിലുള്ള ചുവന്ന പള്‍സര്‍ ബൈക്കിലാണ് ഇവര്‍ എത്തിയത്. ബൈക്കിന്റെ നമ്പറും സിസി ടിവി ദൃശ്യങ്ങളും കേന്ദ്രീകരിച്ച് പൊലീസ് അന്വേഷണം ആരംഭിച്ചു.
ക്രിസ്മസ് തലേന്ന് രാത്രി ഒന്‍പത് മണിയോടെയാണ് സംഭവം. പള്ളിയില്‍ നിന്നും പൂവച്ചലിലേക്ക് ബൈക്കില്‍ പോകുകയായിരുന്നു സുഭാഷ്. മറ്റൊരു ബൈക്കിലെത്തിയ രണ്ട് പേര്‍ സുഭാഷിനെ തടഞ്ഞു നിര്‍ത്തി,ബൈക്കില്‍ ചവിട്ടുകയും ഇയാളെ ആക്രമിക്കുകയും ചെയ്തു. ചെറുത്തുനിന്ന സുഭാഷിനെ ചവിട്ടി താഴെയിട്ട ശേഷം ബൈക്കിന്റെ ചെയിന്‍ ഉപയോഗിച്ച് അടിച്ചതായും പരാതിയില്‍ പറയുന്നു.