ശിവദാസനും ജോൺ ബ്രിട്ടാസും അബ്ദുൽ വഹാബും രാജ്യസഭയിലേക്ക്

രാജ്യസഭാ തെരഞ്ഞെടുപ്പിനുള്ള നാമനിർദ്ദേശ പത്രിക പിൻവലിക്കാനുള്ള സമയം ഇന്ന് വൈകിട്ട് മൂന്നിന് അവസാനിക്കും. ഒഴിവുള്ള മൂന്നു സീറ്റുകളിലേക്ക് ഇടതുമുന്നണിയുടെ രണ്ടും യുഡിഎഫിന്റെ ഒരു സ്ഥാനാർഥിയുമാണ് നാമനിർദേശപത്രിക നൽകിയിട്ടുള്ളത്. വേറെ സ്ഥാനാർഥികൾ ഇല്ലാത്തതിനാൽ ഈ മൂന്നുപേരേയും വിജയികളായി പ്രഖ്യാപിക്കും.

30ന് നിശ്ചയിച്ചിരുന്ന വോട്ടെടുപ്പ് ഉണ്ടാകില്ല. സിപിഎം സംസ്ഥാന സമിതി അംഗം ഡോ. വി ശിവദാസൻ, മാധ്യമപ്രവർത്തകൻ ജോൺ ബ്രിട്ടാസ്, മുസ്‌ലിം ലീഗ് നേതാവ് പി.വി അബ്ദുൽ വഹാബ് എന്നിവർ രാജ്യസഭയിലേക്ക് എതിരില്ലാതെ തെരഞ്ഞെടുക്കപ്പെടും.