ഇസ്രായേൽ ആക്രമണം: ഫലസ്​തീൻ ഇസ്​ലാമിക്​ ജിഹാദ്​ വക്താവ്​ കൊല്ലപ്പെട്ടതായി റിപ്പോർട്ട്​

ഗസ്സ സിറ്റി: ഇസ്രായേൽ ചൊവ്വാഴ്​ച നടത്തിയ വ്യോമാക്രമണത്തിൽ ഫലസ്​തീൻ ഇസ്​ലാമിക ജിഹാദി​െൻറ വക്​താവ്​ കൊല്ലപ്പെട്ടതായി റിപ്പോർട്ട്​. നാജി അബു സൈഫ്​ എന്ന അബു ഹംസ, ഭാര്യ, മറ്റു കുടുംബാംഗങ്ങൾ എന്നിവരാണ്​ കൊല്ലപ്പെട്ടത്​. മധ്യ ഗസ്സയിലെ നുസൈറത്​ അഭയാർഥി ക്യാമ്പിലായിരുന്നു ഇവർ കഴിഞ്ഞിരുന്നത്​. അതേസമയം, സംഭവത്തിൽ ഇതുവരെ പിജെഐ ഔദ്യോഗിക പ്രസ്​താവന ഇറക്കിയിട്ടില്ല. ഹമാസ്​ പൊളിറ്റിക്കൽ ബ്യൂറോ അംഗം യാസർ ഹർബും ആക്രമണത്തിൽ കൊല്ലപ്പെട്ടതായി നേരത്തെ റിപ്പോർട്ടുണ്ടായിരുന്നു.

തിങ്കളാഴ്​ച അർധരാത്രിയാണ്​ ഇസ്രായേൽ ആക്രമണം ആരംഭിച്ചത്​. ഇതുവരെ 404 പേരാണ്​ മരിച്ചത്​. 500ന്​ മുകളിൽ പേർക്ക്​ പരിക്കേറ്റു. കൊല്ലപ്പെട്ടവരിൽ ഭൂരിഭാഗവും കുഞ്ഞുങ്ങളും സ്​ത്രീകളുമാണ്​. രാത്രി ഉറങ്ങിക്കിടക്കവെയാണ്​ ആക്രമണമുണ്ടാകുന്നത്​​.

അമേരിക്കൻ പ്രസിഡൻറ്​ ഡോണൾഡ്​ ട്രംപി​െൻറ പിന്തുണയോടെയാണ്​ ഇസ്രായേലി​െൻറ ആക്രമണം​. വടക്കൻ ഗസ്സയിൽനിന്ന് ഒഴിഞ്ഞുപോകാനും ഇസ്രായേലിന്റെ ഭീഷണി മുഴക്കിയിട്ടുണ്ട്​. ആക്രമണത്തെ ലോക രാജ്യങ്ങൾ കടുത്ത ഭാഷയിലാണ്​ അപലപിച്ചത്​.

യുദ്ധം പുനരാരംഭിച്ചതോടെ തീവ്രവലതുപക്ഷത്തിന്റെ പിന്തുണ ഉറപ്പാക്കി നെനത്യാഹു സർക്കാർ ഉറപ്പാക്കി. അതേസമയം, സർക്കാരിനെതിരെ സമരം ​ചെയ്യുന്ന പ്രതിഷേധക്കാർ ആക്രമണത്തെ അപലപിച്ചു.