<p>ദി ഇൻഡിപെൻഡന്റിന്റെ പശ്ചിമേഷ്യൻ ലേഖകനാണ് റോബർട്ട് ഫിസ്ക്. നിരവധി അവാർഡുകൾക്ക് അര്ഹനായിട്ടുള്ള അദ്ദേഹം ബൈറൂത് ആസ്ഥാനമാക്കിയാണ് പ്രവർത്തിക്കുന്നത്. 40 വർഷത്തോളമായി അറബ് നാടുകളിൽ ജീവിച്ചു അവിടങ്ങളിൽ നിന്നുള്ള വാർത്തകൾ റിപ്പോർട്ട് ചെയ്യുന്നുണ്ട് അദ്ദേഹം. ഇസ്രയേലിന്റെ ലബനാൻ അധിനിവേശം, ഇറാൻ-ഇറാഖ് യുദ്ധം, അഫ്‌ഗാനിസ്ഥാനിൽ സോവിയറ്റ് യൂണിയന്റെ അധിനിവേശം, അൾജീരിയയിലെ ആഭ്യന്തര യുദ്ധം, സദ്ദാം ഹുസൈന്റെ കുവൈത്ത്‌ അധിനിവേശം, ബോസ്നിയയും കൊസോവയും തമ്മിൽ നടന്ന യുദ്ധം, ഇറാഖിലെ അമേരിക്കൻ അധിനിവേശം, 2011 ലെ അറബ് വിപ്ലവം, ഇവയൊക്കെ അദ്ദേഹം റിപ്പോർട്ട് ചെയ്തിട്ടുണ്ട്. പശ്ചിമേഷ്യയെ കുറിച്ച് കനപ്പെട്ട ഗ്രന്ഥങ്ങൾ രചിച്ചിട്ടുള്ള റോബർട്ട് ഫിസ്ക് 1989 ലാണ് ദി ഇൻഡിപെൻഡന്റിൽ ലേഖകനായി ചേരുന്നത്.</p>