ഇലക്ട്രിക് ഇരുചക്ര വാഹന നിർമാണം; മഹീന്ദ്ര- ഹീറോ ഗ്രൂപ്പുകൾ കൈകോർക്കുന്നു

ഇലക്ട്രിക് ഇരുചക്ര വാഹന നിർമ്മാതാക്കളായ ഹീറോ ഇലക്ട്രിക്, മഹീന്ദ്ര ഗ്രൂപ്പുമായി ചേർന്ന് ഇന്ത്യയ്ക്കായി ഇലക്ട്രിക് വാഹനങ്ങൾ നിർമ്മിക്കുന്നതിനുള്ള സംയുക്ത സംരംഭം പ്രഖ്യാപിച്ചു. പങ്കാളിത്തത്തിന്റെ ഭാഗമായി, ഹീറോ ഇലക്ട്രിക്കിന്റെ ഏറ്റവും ജനപ്രിയമായ രണ്ട് ഇലക്ട്രിക് സ്‌കൂട്ടറുകൾ - ഒപ്റ്റിമ, NYX മോഡലുകൾ, മധ്യപ്രദേശിലെ പിതാംപൂർ പ്ലാന്റിൽ നിർമ്മിക്കും.

മഹീന്ദ്ര ഗ്രൂപ്പുമായുള്ള ഈ സംയുക്ത പങ്കാളിത്തത്തിന്റെ സഹായത്തോടെ, ഈ വർഷം അവസാനത്തോടെ പ്രതിവർഷം ഒരു ദശലക്ഷം ഇലക്ട്രിക് വാഹനങ്ങൾ നിർമ്മിക്കാനാണ് ഹീറോ ഇലക്ട്രിക് ലക്ഷ്യമിടുന്നത്.

When two industry leaders come together with a common goal, great things happen! Thrilled to announce that we've partnered with @MahindraRise to enhance our manufacturing capabilities. Cheers to this great start! #TheSmartMove #HeroElectric pic.twitter.com/EqW77UjFIn

— Hero Electric (@Hero_Electric) January 19, 2022

'രാജ്യത്ത് ഇലക്ട്രിക് ഇരുചക്രവാഹന മേഖലയിൽ ഹീറോ ഇലക്ട്രിക് മുന്നോട്ട് കുതിക്കുകയാണ്. അതിന്റെ വേരുകൾ കൂടുതൽ ആഴത്തിലാക്കാനും നേതൃത്വം ശക്തിപ്പെടുത്താനും, മഹീന്ദ്ര ഗ്രൂപ്പുമായി ഒരു പങ്കാളിത്തം സഹായിക്കുമെന്ന് ഹീറോ ഇലക്ട്രിക് - എംഡി നവീൻ മുഞ്ജാൽ പറഞ്ഞു.

ഈ സംയുക്ത സംരംഭത്തിന്റെ ഭാഗമായി, ഇരു കമ്പനികളും സംയുക്തമായി ഇലക്ട്രിക് ഇരുചക്ര വാഹനങ്ങൾക്കായി വിതരണ ശൃംഖലയും ഷെയർ പ്ലാറ്റ്‌ഫോമും നിർമ്മിക്കുകയും വികസിപ്പിക്കുകയും ചെയ്യും.