ആദ്യ ഭാര്യയെ കൊലപ്പെടുത്താൻ കൊട്ടേഷൻ; യുവാവ് അറസ്റ്റിൽ

ഉത്തർപ്രദേശിൽ ആദ്യ ഭാര്യയെ കൊലപ്പെടുത്താൻ കൊട്ടേഷൻ സംഘത്തെ ഏർപ്പെടുത്തിയ യുവാവ് പിടിയില്‍. സംഭവത്തിൽ മുഹമ്മദ് ഫുർഖാൻ എന്നയാൾക്കെതിരേയാണ് പൊലീസ്​ കേസെടുത്തത്. ജൂലൈ 15നാണ്​ മൊഹ്​സിന എന്ന യുവതി വെടിയേറ്റ്​ കൊല്ല​പ്പെട്ടത്​. തുടർന്ന്​ നടത്തിയ അന്വേഷണത്തിൽ മുൻ ഭർത്താവ്​ ഫുർഖാൻ മൂന്ന് ലക്ഷം രൂപ നൽകിയാണ്​ കൊട്ടേഷൻ സംഘത്തെ ഏർപ്പെടുത്തിയതെന്ന് പൊലീസ്​ കണ്ടെത്തി.

ബന്ധുവിനെ കൊലപ്പെടുത്തിയ കേസുമായി ബന്ധപ്പെട്ട് ആദ്യ ഭാര്യ മൊഹ്​സിന ജയിലിലായപ്പോഴാണ് ഫുർഖാൻ രണ്ടാമതും വിവാഹം കഴിക്കുന്നത്. കുറച്ചുനാളുകൾക്ക്​ ശേഷം ഇപ്പോഴാണ്​ മുഹ്​സിന ജാമ്യത്തിൽ ജയിലിൽ നിന്ന് പുറത്തിറങ്ങിയത്. ഈ സമയത്താണ് ഭർത്താവ്​ മറ്റൊരു വിവാഹംകഴിച്ചതായി അറിഞ്ഞത്​. ഇതോടെ മൊഹ്​സിനയും ഫുർഖാനും തമ്മിൽ തർക്കമായി.

ഫുർഖാന്റെ സ്വത്തിന്റെ ഒരു ഭാ​ഗം നൽകണമെന്നും മൊഹ്​സിന ആവശ്യപ്പെട്ടു. ഒരു കൊലപാതകം നടത്തിയിട്ടുള്ള മൊഹ്​സിന തന്റെ പുതിയ ഭാര്യയേയും കൊല്ലുമെന്ന്​ ഭയന്ന ഫുർഖാൻ ഒടുവിൽ കൊട്ടേഷൻ നൽകാൻ തീരുമാനിക്കുകയായിരുന്നു. അറസ്​റ്റിലായ ഫുർഖാൻ നിലവിൽ റിമാൻഡിലാണ്​.