മയക്കുവെടിയേറ്റത് രണ്ടു തവണ; വീഴാതെ കാടുകയറി നരഭോജി കടുവ- വീഡിയോ

നീലഗിരിയില്‍ മയക്കുവെടിയേറ്റിട്ടും വീഴാതെ കാടുകയറിയ നരഭോജി കടുവയെ കണ്ടെത്താനായില്ല. നാട്ടിലിറങ്ങി നാലുപേരെ കൊന്ന T 23 എന്ന കടുവയ്ക്കാണ് ഇന്നലെ രാത്രി രണ്ടു തവണ വെടിയേറ്റത്.

വെടിയേറ്റാൽ സാധാരണ​ഗതിയിൽ ഒരു കിലോമീറ്ററിനപ്പുറത്തേക്ക് കടുവയ്ക്ക് സഞ്ചരിക്കാൻ കഴിയില്ല. ഇത്രയും ദൂരം കനത്ത ഇരുട്ടും കൊടുംകാടുമായതിനാൽ തിരച്ചിൽ കാര്യക്ഷമമായി മുന്നോട്ടുകൊണ്ടുപോകാൻ വനംവകുപ്പ് ഉദ്യോ​ഗസ്ഥർക്ക് കഴിഞ്ഞിരുന്നില്ല. അതിനാല്‍, കുങ്കിയാനകളെ സ്ഥലത്തെത്തിച്ചാണ് തെരച്ചിൽ പുരോ​ഗമിക്കുന്നത്. അതേസമയം, കടുവ കാട്ടില്‍ സ്വൈര്യവിഹാരം നടത്തുന്നതിന്‍റെ വീഡിയോ ദൃശ്യങ്ങളും പുറത്തുവന്നു.

കഴിഞ്ഞ വര്‍ഷം കാട്ടിൽ വിറക് ശേഖരിക്കാൻ പോയ ​ഗൗരി എന്ന സ്ത്രീയാണ് ഈ കടുവയുടെ ആദ്യ ഇര. ഈ വർഷം ഇതുവരെ മൂന്ന് പേരെ കടുവ കൊലപ്പെടുത്തി. 30ലേറെ വളർത്തുമൃ​ഗങ്ങളും കടുവയ്ക്ക് ഇരയായി. ഇതോടെ നീല​ഗിരി ജില്ലയിലെ പന്തല്ലൂർ, ​ഗൂഡല്ലൂർ, മസിന​ഗുഡി തുടങ്ങിയ സ്ഥലങ്ങളില്‍ ജനം ഭീതിയിലാണ്.

#MDT23 tiger 'NOT' captured yet: CWWL Shekar Kumar Niraj tells @xpresstn. Though the officials had a clear shot at the tiger at 8 pm yesterday, keeping NTCA rules and safety of animal & personnel in mind, tranquilizing was not done. @NewIndianXpress pic.twitter.com/50kDtQXEF6

— S V Krishna Chaitanya (@Krish_TNIE) October 15, 2021