ബെംഗളൂരുവിൽ നിർമാണത്തിലുള്ള കെട്ടിടം തകർന്ന് മൂന്നു മരണം; 14 പേർ കുടുങ്ങിക്കിടക്കുന്നു

ബെംഗളൂരു: ബെംഗളൂരുവിൽ നിർമാണത്തിലിരുന്ന ബഹുനില കെട്ടിടം തകർന്ന് മൂന്നുപേർ മരിച്ചു. രണ്ടുപേരെ രക്ഷപ്പെടുത്തി. 14 പേർ കെട്ടിടത്തിനുള്ളിൽ കുടുങ്ങിക്കിടക്കുന്നതായാണ് വിവരം. ബാബുസപല്യയിൽ ചൊവ്വാഴ്ച വൈകിട്ടാണ് അപകടമുണ്ടായത്.

An under-construction building in Bengaluru's Babusapalya has collapsed.

14 workers rescued, 1 body recovered, and 5 individuals remain missing. Rescue efforts are ongoing. pic.twitter.com/41wwdaNSgX

— Shivani Kava/ಶಿವಾನಿ (@kavashivani) October 22, 2024

നഗരത്തിൽ ഒരാഴ്ചയായി കനത്ത മഴ തുടരുകയാണ്. ഇതിനിടെയാണ് കെട്ടിടം തകർന്നത്. രക്ഷാപ്രവർത്തനം പുരോഗമിക്കുകയാണെന്ന് ബെംഗളൂരു ഈസ്റ്റ് ഡെപ്യൂട്ടി കമ്മീഷണർ ഡി. ദേവരാജ് പറഞ്ഞു. നിർമാണത്തിലെ അപാകതയാണ് കെട്ടിടം തകരാൻ കാരണമെന്ന് പൊലീസ് പറഞ്ഞു.