കാഴ്ചയില്ലാത്ത അധ്യാപകൻ ക്ലാസ് എടുക്കുമ്പോൾ മുന്നിൽ ഡാൻസ് കളിച്ച് വിദ്യാർഥികൾ; നടപടി
കാഴ്ചയില്ലാത്ത പനീർ സെൽവം എന്ന ചരിത്രധ്യാപകൻ ക്ലാസ് എടുക്കുന്നതിനിടെയാണ് രണ്ടു കുട്ടികൾ അധ്യാപകന് മുന്നിൽ ഡാൻസ് കളിച്ചത്
കാഴ്ചയില്ലാത്ത അധ്യാപകന് ക്ലാസ് എടുക്കുമ്പോള്‍ മുന്നില്‍ ഡാന്‍സ് കളിച്ച് വിദ്യാര്‍ഥികള്‍. തമിഴ്‌നാട് നാമക്കല്‍ ജില്ലയിലെ ഗവണ്‍മെന്റ് സ്‌കൂളിലെ കുട്ടികളാണ് അധ്യാപകന് മുന്നില്‍ ഡാന്‍സ് കളിച്ചത്. ഡാന്‍സ് ചെയ്ത കുട്ടികള്‍ക്ക് ഒപ്പമുള്ളവര്‍ തന്നെയാണ് വീഡിയോ എടുത്ത് സോഷ്യല്‍ മീഡിയകളില്‍ പ്രചരിപ്പിച്ചതും.
കാഴ്ചയില്ലാത്ത പനീര്‍ സെല്‍വം എന്ന ചരിത്രധ്യാപകന്‍ ക്ലാസ് എടുക്കുന്നതിനിടെയാണ് രണ്ടു കുട്ടികള്‍ അധ്യാപകന് മുന്നില്‍ ഡാന്‍സ് കളിച്ചത്. മറ്റൊരു വിദ്യാര്‍ഥി ഇത് മൊബൈലില്‍ പകര്‍ത്തി. എന്നാല്‍ ഇതറിയാതെയാണ് അധ്യാപകന് ക്ലാസെടുക്കുന്നത്. സിനിമ പാട്ട് കൂടി കൂട്ടിച്ചേര്‍ത്താണ് സോഷ്യല്‍ മീഡിയകളില്‍ ഷെയര്‍ ചെയ്തത്. വീഡിയോ വൈറലായത്തോടെ സംഭവം ചര്‍ച്ചയായി. സ്‌കൂളിലെ പ്രധാനധ്യാപകന്‍ വിളിച്ചു ചേര്‍ത്ത പിടിഎ യോഗത്തില്‍ അച്ചടക്ക ലംഘനം നടത്തിയ മൂന്നു കുട്ടികളെയും പുറത്താക്കി.
Adjust Story Font
16
