കോൺഗ്രസും എസ്​ഡിപിഐയും ഒന്നിച്ചു; ഗംഗോളിയിൽ 27 വർഷത്തെ ബിജെപി ഭരണത്തിന്​ അന്ത്യം

മം​ഗളൂരു: ഉഡുപ്പി ജില്ലയിലെ ഗം​ഗോ​ളി ഗ്രാ​മ​പ​ഞ്ചാ​യ​ത്ത് തെരഞ്ഞെടുപ്പിൽ ബി‍‍ജെപിയെ അട്ടിമറിച്ച് കോ​ൺ​ഗ്ര​സും എ​സ്ഡിപിഐ​യും. ഇരുവരും പരസ്പര ധാരണയോടെ രം​ഗത്തിറക്കിയ സ്ഥാനാർഥികൾക്ക് മിന്നും ജയം. 27 വർഷമായി ബി​ജെപി പി​ന്തു​ണ​യു​ള്ള ജ​ന​പ്ര​തി​നി​ധി​ക​ളായിരുന്നു ഇവിടെ ഭരണത്തിലുണ്ടായിരുന്നത്. ഇതിനാണ് ഇപ്പോൾ കോൺ​ഗ്രസും- എസ്ഡിപിഐയും ചേർന്ന് അന്ത്യം കുറിച്ചത്.

33 സീ​റ്റു​ക​ളി​ൽ കോ​ൺ​ഗ്ര​സ് -12, എ​സ്ഡി​പിഐ- ഏ​ഴ് എ​ന്നി​ങ്ങ​നെ വി​ജ​യി​ച്ച​പ്പോ​ൾ ര​ണ്ട് സ്വ​ത​ന്ത്ര​ന്മാ​ർ ഉ​ൾ​പ്പെ​ടെ ബിജെപി 14 സീ​റ്റു​ക​ൾ നേ​ടി. ഡിസംബർ 11നായിരുന്നു ഫലം പ്രഖ്യാപിക്കേണ്ടിയിരുന്നത്. എന്നാൽ മുൻ മുഖ്യമന്ത്രി എസ്എം കൃഷ്ണയുടെ മരണത്തെത്തുടർന്ന് മാറ്റിവെച്ച വോട്ടെണ്ണൽ ഡിസംബർ 12നാണ് നടന്നത്. ​

ക​ർ​ണാ​ട​ക​യി​ൽ പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ൽ മ​ത്സ​രം പാ​ർ​ട്ടി ചി​ഹ്ന​ങ്ങ​ളി​ൽ അ​ല്ലെ​ങ്കി​ലും പാ​ർ​ട്ടി​ക​ളു​ടെ പി​ന്തു​ണ​യോ​ടെ​യാ​ണ് ജ​ന​വി​ധി തേ​ടു​ക. ധാര​ണ​യി​ലെ​ത്തി​യ സീ​റ്റു​ക​ളി​ൽ കോ​ൺ​ഗ്ര​സ് മ​ത്സ​രി​ച്ചി​ട​ത്ത് എ​സ്ഡിപിഐ​യും തി​രി​ച്ചും സ്ഥാ​നാ​ർ​ഥി​ക​ളെ നി​ർ​ത്താ​തെ​യാ​ണ് തെ​ര​ഞ്ഞെ​ടു​പ്പ് നേ​രി​ട്ട​തെ​ന്ന് എ​സ്ഡിപിഐ ഉ​ഡു​പ്പി ജി​ല്ല ജ​ന​റ​ൽ സെ​ക്ര​ട്ട​റി മു​ഹ​മ്മ​ദ് അ​ഷ്റ​ഫ് ബാ​വ പറഞ്ഞു.