60 ശതമാനം മുസ്​ലിംകളുള്ള മണ്ഡലത്തിൽ ഭൂരിപക്ഷം 1.4 ലക്ഷം വോട്ട്​; കുന്ദർകിയിൽ ബിജെപിയുടെ വിജയത്തിന്​ പിന്നാലെ വിവാദം

ലഖ്​നൗ: ഉത്തർ പ്രദേശിലെ കുന്ദർകി മണ്ഡലത്തിലെ ഉപതെരഞ്ഞെടുപ്പിൽ​ ബിജെപി വിജയിച്ചതിന്​​ പിന്നാലെ വൻ വിവാദം. മൊറാദാബാദ്​ ജില്ലയിലെ മുസ്​ലിം ഭൂരിപക്ഷ മണ്ഡലമായ​ കുന്ദർകിയിൽ കാലങ്ങളായി സമാജ്​വാദി പാർട്ടിയാണ്​ വിജയിക്കാറ്​. എന്നാൽ, ഇത്തവണ ബിജെപി 1.4 ലക്ഷം വോട്ടി​െൻറ ഭൂരിപക്ഷത്തിലാണ്​ വിജയിച്ചത്​. 60 ശതമാനം മുസ്​ലിംകളുള്ള മണ്ഡലത്തിൽ ബിജെപി വിജയിച്ചത്​ രാഷ്​ട്രീയ കേന്ദ്രങ്ങളെയടക്കം ഞെട്ടിച്ചിട്ടുണ്ട്​.

ബിജെപിയുടെ രംവീർ സിങ്​ താക്കൂറാണ്​​ ഇവിടെനിന്ന്​ ജയിച്ചത്​. 1,70,371 വോട്ടാണ്​ ​അദ്ദേഹം നേടിയത്​. ആകെ പോൾ ചെയ്​ത 76.71 ശതമാനവും ബിജെപിക്കാണ്​. സമാജ്​വാദി പാർട്ടിയുടെ മുഹമ്മദ്​ റിസ്​വാന്​ 25,880 വോട്ടുകൾ മാത്രമാണ്​ ലഭിച്ചത്​. 1993ന്​ ശേഷമുള്ള ബിജെപിയുടെ ആദ്യ വിജയം കൂടിയാണിത്​.

മണ്ഡലത്തിലെ ഏക ഹിന്ദു സ്​ഥാനാർഥിയായിരുന്നു രംവീർ സിങ്​. റിസ്​വാൻ അടക്കം 11 മുസ്​ലിം സ്​ഥാനാർഥികൾ ഇവിടെയുണ്ടായിരുന്നു. ബിഎസ്​പി, ആസാദ്​ സമാജ്​ പാർട്ടി, എഐഎംഐഎം തുടങ്ങിയ പാർട്ടികളും ഇവിടെ സ്​ഥാനാർഥികളെ നിർത്തി. കൂടാതെ എസ്​പി സ്​ഥാനാർഥിക്ക്​ രണ്ട്​ അപരൻമാരും ഉണ്ടായിരുന്നു.

ബിജെപിയുടെ വിജയത്തിന്​ പിന്നാലെ സമാജ്​വാദി പാർട്ടി അധ്യക്ഷൻ അഖിലേഷ്​ യാദവ്​ അധികൃതർക്കെതിരെ കടുത്ത ഭാഷയിലാണ്​ പ്രതികരിച്ചത്​. പൊലീസും ഭരണകൂടവും ചേർന്ന്​ പാർട്ടിയുടെ ഭൂരിഭാഗം ബൂത്ത്​ ഏജൻറുമാരെ നീക്കുകയും തങ്ങളെ പിന്തുണക്കുന്നവരെ വോട്ട്​ ചെയ്യാൻ അനുവദിച്ചില്ലെന്നും അദ്ദേഹം ആരോപിച്ചു. ‘വോട്ടർമാരെ വോട്ട്​ ചെയ്യുന്നതിൽനിന്ന്​ തടഞ്ഞു, പിന്നെ ആരാണ്​ വോട്ട്​ ചെയ്യുക? സമാജ്​വാദി വോട്ടർമാർ ബൂത്തുകളിൽ എത്താതിരിക്കുകയും ഞങ്ങളുടെ സ്​ഥാനാർഥി പിന്തുണ കിട്ടാതിരിക്കുകയും ചെയ്​തപ്പോൾ ആരാണ്​ പിന്നെ അവിടെ വോട്ട്​ ചെയ്​തത്​? ഇത്​ വളരെ ഗുരുതരമായ കാര്യമാണ്​’ -അഖിലേഷ്​ യാദവ്​ വാർത്താസമ്മേളനത്തിൽ വ്യക്​തമാക്കി.

വോട്ടർമാരെ ഗ്രാമങ്ങളിൽ ചെന്ന്​ പൊലീസ്​ തടഞ്ഞുവെന്നും ആരോപണമുണ്ട്​. ഇതിനാൽ തന്നെ ലോക്​സഭാ തെരഞ്ഞെടുപ്പിനെ അപേക്ഷിച്ച്​ 429 പോളിങ്​ സ്​റ്റേഷനുകളിൽ ബിജെപിക്ക്​ ഗണ്യമായ വോട്ട്​ വർധനവാണ്​ ഉണ്ടായിട്ടുള്ളത്​. മുസ്​ലിം ഭൂരിപക്ഷ ഗ്രാമമായ ലാൽവാരയിൽ ബിജെപിയുടെ വോട്ട്​ വിഹിതം 3.9 ശതമാനത്തിൽനിന്ന്​ 89.7 ശതമാനാമായാണ്​ ഉയർന്നത്​.

ഹമീർപൂരിലും വലിയ അന്തരം കാണാം. ഇവിടത്തെ 185, 186 പോളിങ്​ സ്​റ്റേഷനുകളിൽ ലോക്​സഭാ തെരഞ്ഞെടുപ്പിൽ 75.9, 70.1 ശതമാനമാണ്​ വോട്ട്​ നില. എന്നാൽ, ഉപതെരഞ്ഞെടുപ്പിലിത്​ 20.6, 15.9 ശതമാനമായി കുറഞ്ഞു. മേയിൽ സമാജ്​വാദി പാർട്ടി 539, 593 വോട്ടുകളാണ്​ ഇവിടെ നേടിയതെങ്കിൽ നവംബറിലത്​ യഥാക്രമം 13ഉം 14ഉം വോട്ടുകളായി കുറഞ്ഞു.

ഇതിന്​ പുറമെ ബിജെപി സ്​ഥാനാർഥി രംവീർ സിങ്ങി​െൻറ മകൻ വിക്കി സിങ്​ പിങ്ക്​ വരകളുള്ള പ്രത്യേക വോട്ടിങ്​ സ്ലിപ്പുകൾ വിതരണം ചെയ്​തുവെന്നും ഇവ കൈവശം ഉള്ളവരെ മാത്രമേ പൊലീസ്​ വോട്ട്​ ചെയ്യാൻ അനുവദിച്ചുവുള്ളൂവെന്നും ‘സ്​ക്രോൾ’ റിപ്പോർട്ട്​ ചെയ്യുന്നു.

മണ്ഡലത്തിൽ വീണ്ടും വോ​ട്ടെടുപ്പ്​ നടത്തണമെന്ന്​ സമാജ്​ വാദി പാർട്ടി സ്​ഥാനാർഥി മുഹമ്മദ്​ റിസ്​വാൻ ആവശ്യപ്പെട്ടിരുന്നു. അതേസമയം, വോട്ടർമാരെ തടഞ്ഞതിന്​​ രണ്ട്​ സബ്​ ഇൻസ്​പെക്​ടർമാർ ഉൾപ്പെടെ ഏഴ്​ പൊലീസുകാരെ സസ്പെൻഡ്​ ചെയ്യുകയുണ്ടായി.

ബിജെപിക്ക്​ വോട്ട്​ ചെയ്​ത ‘മുസ്​ലിംകൾ’

മണ്ഡലത്തിലെ മുസ്​ലിംകൾ തങ്ങളെയാണ്​ പിന്തുണച്ചതെന്ന്​ ബിജെപി അവകാശപ്പെടുന്നുണ്ട്​​​. ബിജെപിയുടെ മുസ്​ലിം നേതാക്കൾ വലിയ രീതിയിലുള്ള പ്രചാരണമാണ്​ കുന്ദർകിയിൽ നടത്തിയത്​. വ്യത്യസ്​ത രീതിയിലുള്ള പ്രചാരണത്തിലായിരുന്നു ബിജെപി സ്​ഥാനാർഥി രംവീർ സിങ്ങും​. മുസ്​ലിംകൾ ധരിക്കുന്ന തൊപ്പി ധരിച്ചാണ്​ അദ്ദേഹം വോട്ടർമാരെ കാണാനെത്തിയത്​. മുസ്​ലിം വീടുകൾ സന്ദർശിക്കുകയും അവരുടെ വിവാഹ ചടങ്ങുകളിൽ അദ്ദേഹം പ​ങ്കെടുക്കുകയും ചെയ്​തു. ന്യൂനപക്ഷ വിഭാഗത്തി​െൻറ സഹായത്തോടെ ബിജെപി രണ്ട്​ ഡസനിലധികം മുസ്​ലിം പ്രവർത്തകരുടെ സംഘത്തെ തന്നെയുണ്ടാക്കി. അവർ പ്രചാരണം നടത്തിയതിന്​ പുറമെ മതപുരോഹിതൻമാർ, മുസ്​ലിം നേതാക്കൾ എന്നിവരുമായുള്ള ചർച്ചകൾക്ക്​ നേതൃത്വം നൽകിയെന്നും ബിജെപി പറയുന്നു.

കുന്ദർകി മണ്ഡലത്തിൽ 80,000ത്തോളം ഷെയ്​ഖ്​സാദ വിഭാഗക്കാരുണ്ട്​. മുസ്​ലിം രാജ്​പുത്രരായിട്ടാണ്​ ഇവരെ കണക്കാക്കുന്നത്​. രംവീർ സിങ്ങും രാജ്​പുത്​ ആണ്​. നാമെല്ലാവരും രാജ്​പുത്രരായതിനാൽ നമ്മൾ എല്ലാവരും ഒന്നാണെന്നായിരുന്ന ബിജെപി സ്​ഥാനാർഥി ​പ്രചാരണ വേളയിൽ പ്രസംഗിച്ചത്​. നമ്മുടെ പൂർവീകർ ഒന്നാണെന്നും അദ്ദേഹം പറഞ്ഞു. ഇതും ബിജെപിക്ക്​ അനുകൂലമായെന്ന്​ ബിജെപി പറയുന്നു. ഇത്​ കൂടാതെ എല്ലാ ബൂത്തുകളിലും രണ്ട്​ മുസ്​ലിം ഏജൻറുമാരെ നിർത്തുകയും ചെയ്​തു. 57.7 ശതമാനമാണ്​ ഇവിടത്തെ വോട്ട്​ നില. അതിനാൽ തന്നെ മുസ്​ലിംകളിൽ വലിയൊരു വിഭാഗം തങ്ങൾക്ക്​ വോട്ട്​ ചെയ്​തുവെന്നും ബിജെപി അവകാശപ്പെടുന്നു​.

ബർഖ്​ കുടുംബത്തി​െൻറ സ്വാധീനം

കുന്ദർകി മണ്ഡലത്തെ പ്രതിനിധീകരിച്ചിരുന്ന എസ്​പിയുടെ സിയാഉറഹ്​മാൻ ബർഖ്​ സംഭലിൽനിന്ന്​ ലോക്​സഭയിലേക്ക്​ വിജയിച്ചതോടെയാണ്​ ഇവിടെ ഉപതെരഞ്ഞെടുപ്പ്​ വേണ്ടിവന്നത്​. ബർഖ്​ കുടുംബം തങ്ങളുടെ മറ്റൊരു ബന്ധുവിന്​ വേണ്ടി ഈ സീറ്റ്​ ആവശ്യപ്പെ​ട്ടെങ്കിലും മുൻ എംഎൽഎ മുഹമ്മദ്​ റിസ്​വാനെ സ്​ഥാനാർഥിയാക്കുകയായിരുന്നു. 2002ൽ റിസ്​വാൻ ഇവിടെനിന്ന്​ ജയിച്ചിരുന്നെങ്കിലും 2007ൽ ബിഎസ്​പിയുടെ അക്​ബർ ഹുസൈനോട്​ തോറ്റു.

എന്നാൽ, 2012ലും 17ലയും റിസ്​വാൻ വീണ്ടും വിജയിച്ചു. അന്ന്​ രംവീർ സിങ്ങായിരുന്നു എതിർസ്​ഥാനാർഥി. എന്നാൽ, ഇത്തവണ ബർഖ്​ കുടുംബത്തി​െൻറ പിന്തുണ റിസ്​വാന്​ ഉണ്ടായിരുന്നില്ലെന്ന്​ പ്രാദേശിക സമാജ്​വാദി പാർട്ടി നേതാക്കൾ തന്നെ പറയുന്നതായി ‘ദ പ്രിൻറ്​’ റിപ്പോർട്ട്​ ചെയ്യുന്നു. 2022ൽ സിയാഉറഹ്​മാൻ ബർഖ്​ 40,000 വോട്ടിനാണ്​ വിജയിച്ചത്​. അന്ന്​ ബിഎസ്​പി സ്​ഥാനാർഥിയായിരുന്ന മുഹമ്മദ്​ റിസ്​വാൻ മൂന്നാം സ്​ഥാനമാണ്​ നേടിയത്​.

എന്നാൽ, തോക്കി​െൻറ ശക്​തിയിലാണ്​ ബിജെപി ഇവിടെ ജയിച്ചതെന്ന്​ എസ്​പി വക്​താവ്​ സുനിൽ സിങ്​ സാജൻ പറയുന്നു. ‘വോ​ട്ടെടുപ്പ്​ ദിവസം മുസ്​ലിം വോട്ടർമാരെ തടയുന്നതി​െൻറ വിഡിയോ സാമൂഹിക മാധ്യമങ്ങളിൽ വൈറലായിരുന്നു. ബിജെപിക്ക്​ വോട്ട്​ ചെയ്​തില്ലെങ്കിൽ കള്ളക്കേസെടുക്കുമെന്ന്​ പറഞ്ഞ്​ പലരെയും ഭീഷണിപ്പെടുത്തി​. അല്ലാതെ എന്തിനാണ്​ ഒരു മുസ്​ലിം ബിജെപിക്ക്​ വോട്ട്​ ചെയ്യുന്നത്​? മുസ്​ലിംകൾ ബിജെപിക്ക്​ വോട്ട്​ ചെയ്​തുവെന്നുള്ള പ്രചാരണം തെറ്റാണ്​. ചില ആളുകൾ ഇത്തരത്തിൽ വോട്ട്​ ചെയ്യാൻ നിർബന്ധിതരായിട്ടുണ്ട്​, ചിലയിടങ്ങളിൽ കള്ളവോട്ടുകളും നടന്നു’ -സുനിൽ സിങ്​ സാജൻ വ്യക്​തമാക്കി.