ദേശീയ മനുഷ്യാവകാശ കമ്മീഷൻ അധ്യക്ഷനാകുമെന്ന റിപ്പോർട്ടുകൾ തള്ളി ഡി.വൈ ചന്ദ്രചൂഡ്
എൻഎച്ച്ആർസി അധ്യക്ഷസ്ഥാനം ഒഴിഞ്ഞുകിടക്കുകയാണ്
ന്യൂഡൽഹി: ദേശീയ മനുഷ്യാവകാശ കമ്മീഷൻ അധ്യക്ഷ സ്ഥാനത്തേക്ക് തന്നെ പരിഗണിക്കുന്നുണ്ടെന്ന റിപ്പോർട്ടുകൾ തള്ളി മുൻ ചീഫ് ജസ്റ്റിസ് ഡി.വൈ ചന്ദ്രചൂഡ്. പ്രചരിക്കുന്നത് വെറും കിംവദന്തികൾ മാത്രമാണെന്നും വിരമിച്ച ശേഷം സ്വകാര്യ പൗരനായുള്ള ജീവിതം ആസ്വദിക്കുകയാണെന്നും അദ്ദേഹം പറഞ്ഞു.
സുപ്രിംകോടതി മുൻ ജസ്റ്റിസ് അരുൺ കുമാർ മിശ്ര ജൂൺ ഒന്നിന് കാലാവധി പൂർത്തിയാക്കിയശേഷം അധ്യക്ഷസ്ഥാനം ഒഴിഞ്ഞുകിടക്കുകയാണ്. പുതിയ അധ്യക്ഷെൻറ പേരുകൾ പരിഗണിക്കാനായി ബുധനാഴ്ച പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള ഉന്നതതല കമ്മിറ്റി യോഗം ചേർന്നിരുന്നു. ആഭ്യന്തര മന്ത്രി അമിത് ഷാ, ലോക്സഭയിലെയും രാജ്യസഭയിലെയും പ്രതിപക്ഷ നേതാക്കളായ രാഹുൽ ഗാന്ധി, മല്ലികാർജുൻ ഖാർഗെ എന്നിവരും കമ്മിറ്റിയിലെ അംഗങ്ങളാണ്.
മുൻ ചീഫ് ജസ്റ്റിസോ വിരമിച്ച സുപ്രിംകോടതി ജഡ്ജിയോ ആണ് സാധാരണ മനുഷ്യാവകാശ കമ്മീഷെൻറ അധ്യക്ഷനായി വരാറ്. നിലവിൽ കമ്മീഷൻ അംഗമായ വിജയ ഭാരതി സയാനിയാണ് ആക്ടിങ് ചെയർപേഴ്സൻ. രാജ്യത്തിെൻറ 50ാമത് ചീഫ് ജസ്റ്റിസായിരുന്ന ചന്ദ്രചൂഡ് നവംബർ പത്തിനാണ് വിരമിച്ചത്.
Adjust Story Font
16
