കർഷക സമരനേതാക്കൾക്ക് സുവർണക്ഷേത്രത്തിൽ സ്വീകരണം നൽകും

ഐതിഹാസികമായ സമരവിജയത്തിന് ശേഷം പഞ്ചാബിൽ തിരിച്ചെത്തുന്ന കർഷകരെ അമൃത് സറിലെ സുവർണക്ഷേത്രത്തിൽ സ്വീകരണം നൽകി ആദരിക്കും. ശിരോമണി ഗുരുദ്വാര പർബന്ധക് കമ്മിറ്റിയുടെ നേതൃത്വത്തിലാണ് കർഷകരെ ആദരിക്കുന്നത്.

സമരത്തിലുന്നയിച്ച ആവശ്യങ്ങൾ രേഖാമൂലം അംഗീകരിച്ചതോടെ കഴിഞ്ഞ ശനിയാഴ്ച വിജയദിവസമായി കർഷകർ ആഘോഷിച്ചിരുന്നു. തുടർന്ന് സമരകേന്ദ്രങ്ങൾ വിട്ട് സ്വന്തം നാടുകളിലേക്ക് ഇവർ മടങ്ങിയിരുന്നു. സമരഭൂമിയിൽ നിന്ന് മടങ്ങുന്ന കർഷകർക്ക് വഴിനീളെ ആവേശകരമായ സ്വീകരണമാണ് ലഭിക്കുന്നത്. കർഷകർക്ക് മേൽ വിമാനത്തിൽ നിന്ന് പുഷ്പവൃഷ്ടി നടത്തിയതും ഏറെ വാർത്ത ശ്രദ്ധേയമായിരുന്നു. ഹരിയാന പഞ്ചാബ് അർത്തിയിൽ വെച്ചാണ് കർഷകർക്ക് മേൽ പുഷ്പവൃഷ്ടി നടത്തിയത്.