ഇന്ത്യയിലെ ആദ്യത്തെ സ്റ്റീല്‍ റോഡ് ഗുജറാത്തില്‍

ഇന്ത്യയിലെ ആ​ദ്യ സ്റ്റീ​ൽ കൊ​ണ്ടു​ള്ള റോ​ഡ് ഗു​ജ​റാ​ത്തി​ലെ സൂ​റ​ത്തി​ൽ യാ​ഥാ​ർ​ഥ്യ​മാ​യി. വി​വി​ധ പ്ലാ​ന്‍റുക​ളി​ലെ ഉപയോഗശൂന്യമായ സ്റ്റീ​ൽ ഉ​പ​യോ​ഗി​ച്ചാ​ണ് പ​രീ​ക്ഷ​ണാ​ടി​സ്ഥാ​ന​ത്തി​ൽ റോ​ഡ് നി​ർ​മി​ച്ച​ത്. ഹസീറ വ്യവസായ മേഖലയിലാണ് റോഡ് നിര്‍മിച്ചത്.

ശാ​സ്ത്ര-​സാ​​ങ്കേ​തി​ക ഗ​വേ​ഷ​ണ കൗ​ൺ​സി​ലും (സി.​എ​സ്.​ഐ.​ആ​ർ), കേ​ന്ദ്ര റോ​ഡ് ഗ​വേ​ഷ​ണ ഇ​ൻ​സ്റ്റി​റ്റ്യൂ​ട്ടുമാണ് (സി.​ആ​ർ.​ആ​ർ.​ഐ) നിര്‍മാണത്തിന് നേതൃത്വം നല്‍കിയത്. സ്റ്റീല്‍ ആന്‍റ് പോളിസി കമ്മീഷന്‍, നീതി ആയോഗ് എന്നിവയുടെ സഹായത്തോടെയായിരുന്നു നിര്‍മാണം. പരീക്ഷണാടിസ്ഥാനത്തില്‍ നിര്‍മിച്ചത് ഒരു കിലോമീറ്റർ നീളത്തിലുള്ള ആറു വരി പാതയാണ്. രാ​ജ്യ​ത്തെ ഉ​രു​ക്കു​നി​ർ​മാ​ണ​ശാ​ല​ക​ളി​ൽ പ്ര​തി​വ​ർ​ഷം 19 ദ​ശ​ല​ക്ഷം ട​ൺ സ്റ്റീല്‍ ബാ​ക്കിയാ​കു​ന്നു​ണ്ട്. പാഴാക്കപ്പെടുന്ന വിഭവം ഉപയോഗ യോഗ്യമാക്കുന്നതിനൊപ്പം ഈടുനില്‍ക്കുന്ന റോഡുകള്‍ നിര്‍മിക്കുക എന്നതാണ് ലക്ഷ്യം.

ഒ​രു കി​ലോ​മീ​റ്റ​ർ നീ​ള​ത്തി​ലു​ള്ള റോ​ഡ് പൂ​ർ​ണ​മാ​യും സം​സ്ക​രി​ച്ച ഉ​രു​ക്കു​കൊ​ണ്ടാ​ണ് നി​ർ​മി​ച്ചി​രി​ക്കു​ന്ന​ത്. മ​ഴ​ക്കാ​ല​ത്ത് റോഡ് തകരുമെന്ന പേടി വേണ്ടെന്ന് സി.എസ്.ഐ.ആര്‍ അവകാശപ്പെട്ടു. ഹസിറ തുറമുഖത്തെ ഈ റോഡ് നേരത്തെ ടൺ കണക്കിന് ഭാരം കയറ്റി ട്രക്കുകൾ ഓടുന്നതുകൊണ്ട് മോശം അവസ്ഥയിലായിരുന്നു. എന്നാല്‍ ഇപ്പോള്‍ ഇതേ റോഡിലൂടെ ആയിരക്കണക്കിന് ട്രക്കുകള്‍ സഞ്ചരിക്കുന്നുണ്ടെന്നും റോഡിന് ഒരു കേടുപാടുമില്ലെന്നും സിആര്‍ആര്‍ഐ ശാസ്ത്രജ്ഞന്‍ സതീഷ് പാണ്ഡെ പറഞ്ഞു. സ്റ്റീല്‍ മാലിന്യം ഉപയോഗിച്ചുള്ള റോഡ് നിര്‍മാണത്തിലൂടെ നിര്‍മാണ ചെലവ് 30 ശതമാനം കുറയുമെന്നും പാണ്ഡെ പറഞ്ഞു.

"സ്റ്റീൽ പ്ലാന്റുകളില്‍ ഉരുക്ക് മാലിന്യം കുന്നുകൂടിയിരിക്കുന്നു. ഇത് പരിസ്ഥിതിക്ക് വലിയ ഭീഷണിയാണ്. അതുകൊണ്ടാണ് നിതി ആയോഗിന്റെ നിർദേശപ്രകാരം, സ്റ്റീൽ മന്ത്രാലയം ഈ മാലിന്യം നിർമാണത്തിന് ഉപയോഗിക്കാനുള്ള പദ്ധതിക്ക് രൂപം നൽകിയത്"- എഎംഎൻഎസ് എക്സിക്യൂട്ടീവ് ഡയറക്ടർ സന്തോഷ് എം മുന്ദ്ര പറഞ്ഞു. ആദ്യ പദ്ധതി വിജയിച്ചതോടെ, ഭാവിയിൽ ഹൈവേകളുടെ നിര്‍മാണത്തിന് സ്റ്റീല്‍ മാലിന്യങ്ങള്‍ ഉപയോഗിക്കാനാണ് കേന്ദ്ര സര്‍ക്കാര്‍ തീരുമാനം.