മണിപ്പൂരിൽ നിന്ന് തോക്കുകളും ഗ്രനേഡുകളും പിടിച്ചെടുത്തു

ഇംഫാൽ: കലാപം തുടരുന്ന മണിപ്പൂരിൽ നിന്ന് തോക്കുകളും, ഗ്രനേഡുകളുമുൾപ്പടെ ആയുധങ്ങൾ പിടിച്ചെടുത്തു. ആയുധശാലയിൽ നിന്ന് മോഷണം പോയ ആയുധങ്ങൾ ഉൾപ്പടെയാണ് ഇംഫാൽ വെസ്റ്റിൽ നിന്ന് പോലീസ് പിടിച്ചെടുത്തത്. ചുരാചന്ദ്പൂർ, തൗബാൽ, കാങ്‌പോക്പി ജില്ലകളിൽ നടത്തിയ പരിശോധനയിലാണ് ഉപേക്ഷിക്കപ്പെട്ട നിലയിൽ ആയുധങ്ങൾ കണ്ടെത്തിയത്. കഴിഞ്ഞ രണ്ട് ദിവസത്തിനിടെ 3 പേരാണ് മണിപ്പൂരിലെ വിവിധ അക്രമ സംഭവങ്ങളിൽ കൊല്ലപ്പെട്ടത്.