അയോധ്യ വിധിക്ക് ശേഷം പഞ്ചനക്ഷത്ര ഹോട്ടലില്‍ പോയി അത്താഴം കഴിച്ചു, വൈന്‍ കുടിച്ചു: രഞ്ജന്‍ ഗൊഗോയി

അയോധ്യയില്‍ രാമക്ഷേത്രം നിര്‍മിക്കാനുള്ള വി​ധി പു​റ​പ്പെ​ടു​വി​ച്ച ദി​വ​സം ബെഞ്ചിലെ ജ​ഡ്​​ജി​മാ​ർക്കൊപ്പം ഡ​ൽഹി​യി​ലെ പ​ഞ്ച​ന​ക്ഷ​ത്ര ഹോ​ട്ട​ലി​ൽ വീ​ഞ്ഞും അ​ത്താ​ഴ​വും കഴിച്ചെന്ന്​ സുപ്രീംകോടതി മു​ൻ ചീ​ഫ്​ ജ​സ്​​റ്റി​സ്​ ര​ഞ്​​ജ​ൻ ഗൊ​ഗോ​യി​. വി​ധി പു​റ​പ്പെ​ടു​വി​ച്ച​ 2019 ന​വം​ബ​ർ 9ന്​ ​ഡ​ൽ​ഹി​യി​ലെ ഹോ​ട്ട​ൽ താ​ജ്​ മാ​ൻ​സി​ങില്‍ ചൈ​നീ​സ്​ ഭ​ക്ഷ​ണ​വും ഏ​റ്റ​വും മു​ന്തി​യ വീ​ഞ്ഞും കഴിച്ചെന്നാണ് ഗൊഗോയി 'ജസ്റ്റിസ് ഫോര്‍ ദ ജഡ്ജ്' എന്ന ആത്മകഥയില്‍ പറഞ്ഞത്.

അ​ന്ന​ത്തെ അ​ത്താ​ഴ​​ത്തെ കു​റി​ച്ച്​ ഗൊ​ഗോ​യി ആത്മകഥയില്‍ എഴുതിയതിങ്ങനെ- ''അ​യോ​ധ്യ വി​ധി​ക്ക്​ ശേ​ഷം സു​പ്രീം​കോ​ട​തി സെ​ക്ര​ട്ട​റി ജ​ന​റ​ൽ ഒ​ന്നാം ന​മ്പ​ർ കോ​ട​തി​ക്ക്​ പു​റ​ത്തു​ള്ള ജ​ഡ്​​ജി​മാ​രു​ടെ ഗാ​ല​റി​യി​ൽ അ​ശോ​ക ച​ക്ര​ത്തി​ന്​ താ​ഴെ ഒ​രു ​ഫോ​​ട്ടോ സെ​ഷ​ൻ ഒ​രു​ക്കി. വൈ​കീ​ട്ട്​ ഞാ​ൻ എ​ല്ലാ ജ​ഡ്​​ജി​മാ​രെ​യും ഹോ​ട്ട​ൽ താ​ജ്​ മാ​ൻ​സി​ങ്ങി​ലേ​ക്ക്​ കൊ​ണ്ടു​പോ​യി. ചൈ​നീ​സ്​ ഭ​ക്ഷ​ണം ക​ഴി​ച്ച്​ അ​വി​ടു​ത്തെ ഏ​റ്റ​വും മി​ക​ച്ച ഒ​രു കു​പ്പി വീ​ഞ്ഞും ഞ​ങ്ങ​ൾ പ​ങ്കു​വെ​ച്ചു. കൂ​ട്ട​ത്തി​ൽ ഏ​റ്റ​വും മു​തി​ർ​ന്ന​യാ​ളെ​ന്ന നി​ല​യി​ൽ ഞാ​ൻ​ ത​ന്നെ ബി​ല്ലും കൊ​ടു​ത്തു.''

വിവാദമായ കേസിലെ വിധി ആഘോഷിക്കുന്നത് ഉചിതമാണോ എന്ന ചോദ്യത്തിന് അത് ആഘോഷമായിരുന്നില്ല എന്നാണ് ഗോഗോയി മറുപടി നല്‍കിയത്- "ആഘോഷമല്ല, ആഘോഷമല്ല. കൂട്ടുകാർക്കൊപ്പം ചിലപ്പോഴൊക്കെ പുറത്തുനിന്നുള്ള ഭക്ഷണം കഴിക്കാന്‍ തോന്നില്ലേ?" എന്നായിരുന്നു ഗൊഗോയിയുടെ ചോദ്യം.

വിധി പ്രകാരം നഷ്ടം സംഭവിച്ചവര്‍ക്ക് ഇത് അനുചിതമായി തോന്നില്ലേ എന്ന ചോദ്യത്തിന് ഗൊഗോയിയുടെ മറുപടി ഇങ്ങനെയായിരുന്നു- "എല്ലാ ജഡ്ജിമാരും നാല് മാസം അയോധ്യ വിധിക്കായി പണിയെടുത്തു. എന്‍റെ ജഡ്ജിമാര്‍ കഠിനാധ്വാനം ചെയ്തു. അനുവദനീയമല്ലാത്തതായി ഞങ്ങൾ ചെയ്തു?" ഗൊ​ഗോ​യി​ക്ക്​ പു​റ​മെ എ​സ്.​എ ബോ​ബ്​​ഡെ, അ​ശോ​ക്​ ഭൂ​ഷ​ൺ, ഡി.​വൈ ച​ന്ദ്ര​ചൂ​ഡ്, എ​സ് അ​ബ്​​ദു​ൽ ​ന​സീ​ർ എ​ന്നി​വ​രാ​ണ് ബാബരി കേസില്‍ വിധി പുറപ്പെടുവിച്ച ബെഞ്ചിലുണ്ടായിരുന്നത്.

ആ​കി​ൽ ഖു​റൈ​ശി​യെ മ​ധ്യ​പ്ര​ദേ​ശ്​ ഹൈ​ക്കോ​ട​തി ചീ​ഫ്​ ജ​സ്​​റ്റി​സാ​ക്കാ​നു​ള്ള ശി​പാ​ർ​ശ താ​ൻ പി​ൻ​വ​ലി​ച്ച​ത്​ ഭ​ര​ണ​ഘ​ട​നാ സ്​​ഥാ​പ​ന​ങ്ങ​ളു​ടെ ഏ​റ്റു​മു​ട്ട​ൽ ഒ​ഴി​വാ​ക്കാ​നാ​യി​രു​ന്നു​വെ​ന്ന്​ ഗൊ​ഗോ​യി ആത്മകഥയില്‍ ന്യാ​യീ​ക​രി​ച്ചു. തനിക്കെതിരായ ലൈംഗികാരോപണ കേസ് പരിഗണിച്ച ബെഞ്ചിൽ താൻ ജഡ്ജിയാവാന്‍ പാടില്ലായിരുന്നുവെന്നും ഗൊഗോയ് പറഞ്ഞു- 'ആ ബെഞ്ചിൽ എന്‍റെ സാന്നിദ്ധ്യം ഒഴിവാക്കാമായിരുന്നു. ഞാൻ അത് അംഗീകരിക്കുന്നു'. ആത്മകഥയുടെ പ്രകാശന ചടങ്ങിൽ സംസാരിക്കുകയായിരുന്നു ഗൊഗോയ്.

2019 ഏപ്രിൽ 19നാണ് സുപ്രീംകോടതിയിലെ വനിതാ ജീവനക്കാരി രഞ്ജൻ ഗൊഗോയ്ക്കെതിരെ ലൈംഗിക ആരോപണം ഉന്നയിച്ചത്. എല്ലാ സുപ്രീംകോടതി ജഡ്ജിമാർക്കും അവർ പരാതി നൽകിയിരുന്നു. ഇതിന് പിന്നാലെ അസാധാരണ നടപടികളാണ് സുപ്രിംകോടതിയിലുണ്ടായത്. അവധി ദിവസമായ ശനിയാഴ്ച രാവിലെ ജസ്റ്റിസ് ഗൊഗോയ് മൂന്നംഗ ബെഞ്ചിന്റെ പ്രത്യേക സിറ്റിംഗ് വിളിച്ചുചേർത്ത് സംഭവത്തിൽ തന്റെ നിലപാട് വ്യക്തമാക്കി. ആരോപണത്തെ കുറിച്ച് അന്വേഷിക്കാൻ സുപ്രീംകോടതി സമിതി രൂപീകരിച്ചു. പിന്നീട് ഈ സമിതി ഗൊഗോയ്ക്ക് ക്ലീൻ ചിറ്റ് നൽകി. ആരോപണം ഉയർത്തിയതിന് പിന്നാലെ പുറത്താക്കിയ ജീവനക്കാരിയെ തിരിച്ചെടുത്തു.

രാജ്യസഭാ എംപിയായി രഞ്ജന്‍ ഗൊഗോയിയുടെ സഭയിലെ ഹാജര്‍ 10 ശതമാനത്തില്‍ താഴെ മാത്രമാണ്- "അവിടെ പോകുന്നത് വ്യക്തിപരമായി അത്ര സുഖകരമായി തോന്നിയില്ല. പകർച്ചവ്യാധി തുടരുകയാണ്. സാമൂഹിക അകലം പാലിക്കണമെന്ന മാനദണ്ഡമുണ്ടെങ്കിലും പാലിക്കപ്പെടുന്നില്ല. എനിക്ക് തോന്നുമ്പോൾ ഞാൻ രാജ്യസഭയിൽ പോകും. പ്രാധാന്യമുള്ള വിഷയങ്ങളില്‍ സംസാരിക്കണമെന്ന് തോന്നുമ്പോള്‍ പോകും. നോമിനേറ്റഡ് അംഗമാണ് ഞാന്‍. എനിക്ക് പാര്‍ട്ടി വിപ്പില്ല. ഞാന്‍ എന്‍റെ ഇഷ്ടപ്രകാരം പോകുന്നു, ഇഷ്ടപ്രകാരം വരുന്നു. ഞാൻ സ്വതന്ത്ര അംഗമാണ്"- രഞ്ജന്‍ ഗൊഗോയി പറഞ്ഞു.

റഫാൽ, അയോധ്യ കേസ് തുടങ്ങിയ കേസുകളിലെ വിധിന്യായങ്ങൾക്കുള്ള പ്രതിഫലമാണ് പാർലമെന്‍റ് സീറ്റെന്ന ആരോപണത്തിന് ഈ വിധികൾ തന്‍റേതല്ലെന്നും ബെഞ്ചാണ് ഉത്തരവ് പുറപ്പെടുവിച്ചതെന്നും രഞ്ജന്‍ ഗൊഗോയി പറഞ്ഞു. രാജ്യസഭയില്‍ താന്‍ രണ്ടാമതും എത്തിയേക്കാമെന്നും ഗൊഗോയി പറഞ്ഞു.