വീണ്ടും പേരുമാറ്റം! സ്കൂളുകളിലെ ഉച്ചഭക്ഷണ പദ്ധതിയെ 'പി.എം പോഷണ്' ആക്കി കേന്ദ്ര സര്ക്കാര്
നിലവിലെ ഉച്ചഭക്ഷണ പദ്ധതിയെ പി.എം പോഷണ് ശക്തി നിര്മാണ് പദ്ധതിയുമായി ലയിപ്പിക്കുമെന്നും മന്ത്രി കൂട്ടിച്ചേര്ത്തു
![വീണ്ടും പേരുമാറ്റം! സ്കൂളുകളിലെ ഉച്ചഭക്ഷണ പദ്ധതിയെ പി.എം പോഷണ് ആക്കി കേന്ദ്ര സര്ക്കാര് വീണ്ടും പേരുമാറ്റം! സ്കൂളുകളിലെ ഉച്ചഭക്ഷണ പദ്ധതിയെ പി.എം പോഷണ് ആക്കി കേന്ദ്ര സര്ക്കാര്](https://www.mediaoneonline.com/h-upload/2021/09/30/1250203-midaymealll.webp)
രാജ്യത്തെ സ്കൂളുകളിലെ ഉച്ചഭക്ഷണ പദ്ധതിക്ക് പേരുമാറ്റം. പി.എം പോഷണ് ശക്തി നിര്മ്മാണ് എന്ന പുതിയ പേരില് പുറത്തുവരുന്ന പദ്ധതിയിലൂടെ ഒന്നു മുതല് എട്ടു വയസുവരെ ക്ലാസുകളില് പഠിക്കുന്ന കുട്ടികള്ക്ക് ഭക്ഷണം ലഭിക്കും. സർക്കാർ, എയ്ഡഡ് സ്കൂളുകൾ പദ്ധതിക്കു കീഴിൽ വരുമെന്ന് വാർത്തവിതരണ - പ്രക്ഷേപണ മന്ത്രി അനുരാഗ് ഠാക്കൂർ പറഞ്ഞു.
നിലവിലെ ഉച്ചഭക്ഷണ പദ്ധതിയെ പി.എം പോഷണ് ശക്തി നിര്മാണ് പദ്ധതിയുമായി ലയിപ്പിക്കുമെന്നും മന്ത്രി കൂട്ടിച്ചേര്ത്തു. 2026 വരെ പദ്ധതി നീട്ടാനും മന്ത്രിസഭാ യോഗം തീരുമാനിച്ചിരുന്നു. പി.എം പോഷൺ പദ്ധതിക്കായി 2021-22 മുതൽ 2025-26 വരെ അഞ്ചു വർഷത്തേക്ക് 54,062 കോടിയാണ് കേന്ദ്രം ചെലവിടുക. 31,733 കോടി സംസ്ഥാനങ്ങളുടെ വിഹിതമാണ്.
ഭക്ഷ്യധാന്യത്തിന് വേണ്ടി വരുന്ന 45,000 കോടി കേന്ദ്രം വഹിക്കും. ഇതടക്കം ആകെ പദ്ധതി ബജറ്റ് 1.30 ലക്ഷം കോടി രൂപയായിരിക്കും. രാജ്യത്തെ 11.20 ലക്ഷം സ്കൂളുകളിലെ 11.80 കോടി കുട്ടികൾ പദ്ധതിയുടെ പരിധിയിൽ വരുമെന്നും മന്ത്രി വ്യക്തമാക്കി.
Adjust Story Font
16