അഭിമാനിയായ ഹിന്ദുവായ താൻ ബീഫ് കഴിക്കാറില്ലെന്ന് കങ്കണ; ബീഫ് ഇഷ്ടമാണെന്ന് പറഞ്ഞ പഴയ ഇന്റർവ്യൂ പുറത്തുവിട്ട് മുഹമ്മദ് സുബൈർ

ന്യൂഡൽഹി: താൻ ബീഫ് കഴിക്കുമെന്ന ആരോപണങ്ങൾ തള്ളി നടിയും മാണ്ഡിയിലെ ബി.ജെ.പി സ്ഥാനാർഥിയുമായ കങ്കണ റണാവത്ത് രംഗത്തെത്തിയതിന് പിന്നാലെ അവരുടെ പഴയ ഇന്റർവ്യൂ പുറത്തുവിട്ട് മാധ്യമപ്രവർത്തകനായ മുഹമ്മദ് സുബൈർ.

''ഞാൻ ബീഫോ മറ്റേതെങ്കിലും മാംസമോ കഴിക്കാറില്ല. തികച്ചും അടിസ്ഥാനരഹിതമായ വാർത്തകൾ എന്നെക്കുറിച്ച് പ്രചരിപ്പിക്കുന്നത് ലജ്ജാകരമാണ്. കഴിഞ്ഞ 10 വർഷമായി ഞാൻ യോഗ-ആയുർവേദ ജീവിതരീതി പിന്തുടരുകയും പ്രോത്സാഹിപ്പിക്കുകയും ചെയ്യുന്നു. എന്റെ പ്രതിച്ഛായ തകർക്കാനുള്ള ഇത്തരം തന്ത്രങ്ങൾ ഫലിക്കില്ല. എന്റെ ആളുകൾക്ക് എന്നെ അറിയാം. അവരെ തെറ്റിദ്ധരിപ്പിക്കാൻ ഒന്നിനും കഴിയില്ല. ഞാനൊരു അഭിമാനിയായ ഹിന്ദുവാണ്''-കങ്കണ എക്‌സിൽ കുറിച്ചു.

I don’t consume beef or any other kind of red meat, it is shameful that completely baseless rumours are being spread about me, I have been advocating and promoting yogic and Ayurvedic way of life for decades now such tactics won’t work to tarnish my image. My people know me and…

— Kangana Ranaut (Modi Ka Parivar) (@KanganaTeam) April 8, 2024

ഇതിന് മറുപടിയുമായാണ് ഫാക്ട് ചെക്കിങ് മാധ്യമപ്രവർത്തകനായ മുഹമ്മദ് സുബൈർ രംഗത്തെത്തിയത്. നിങ്ങൾ ബീഫ് ഇഷ്ടപ്പെട്ടിരുന്നുവെന്ന് പലതവണ ഇന്റർവ്യൂകളിൽ പറഞ്ഞിട്ടുണ്ടെന്ന് മുഹമ്മദ് സുബൈർ ട്വീറ്റ് ചെയ്തു. കങ്കണയുടെ അഭിമുഖത്തിന്റെ ഭാഗങ്ങളും ട്വീറ്റിൽ ഉൾപ്പെടുത്തിയിട്ടുണ്ട്.

Yes you've told multiple times during interviews that you once loved Beef but turned vegan a few years back.
Anyways Ye 'Laal Maas' konsi vedic sabzi hai @KanganaTeam ji. 🤨 pic.twitter.com/DImvybrKYy

— Mohammed Zubair (@zoo_bear) April 8, 2024

ബീഫോ മറ്റെന്തെങ്കിലും മാംസമോ കഴിക്കുന്നതിൽ ഒരു തെറ്റുമില്ലെന്ന് കങ്കണ 2019 മെയ് 24ന് എക്‌സിൽ കുറിച്ചിരുന്നു. എട്ട് വർഷങ്ങൾക്ക് മുമ്പാണ് കങ്കണ വെജിറ്റേറിയനായതെന്നും ഇതിൽ പറയുന്നുണ്ട്. ബീഫും സ്റ്റീക്കും കഴിക്കുന്നത് അമ്മ വിലക്കിയിരുന്നെങ്കിലും താൻ കഴിച്ചിരുന്നുവെന്നും കങ്കണ ഒരു അഭിമുഖത്തിൽ പറയുന്നുണ്ട്.