ഇന്ത്യന്‍ നാവിക സേന കപ്പലില്‍ നിന്ന് ഉദ്യോഗസ്ഥനെ കാണാതായി
സാഹിൽ വർമ്മയെന്ന ഉദ്യോഗസഥനെയാണ് ഫെബ്രുവരി 27 മുതൽ കാണാതായത്.
ഡല്‍ഹി: ഇന്ത്യന്‍ നാവിക സേന കപ്പലില്‍ നിന്ന് ഉദ്യോഗസ്ഥനെ കാണാതായതായി റിപ്പോര്‍ട്ട്. നാവികന്‍ സാഹില്‍ വര്‍മയെയാണ് കാണാതായത്. ഫെബ്രുവരി 27 മുതലാണ് ഇയാളെ കാണാതായത്.
നിര്‍ഭാഗ്യകരമായ ഈ സംഭവത്തില്‍ ഉന്നതതല അന്വേഷണത്തിന് ഉത്തരവിട്ടതായി മുംബൈ ആസ്ഥാനമായ വെസ്റ്റേണ്‍ നേവല്‍ കമാന്‍ഡ് അറിയിച്ചു. 'നാവികസേന ഉടന്‍ തന്നെ കപ്പലുകളും വിമാനങ്ങളും ഉപയോഗിച്ച് തിരച്ചില്‍ ആരംഭിച്ചിട്ടുണ്ട്. തിരച്ചില്‍ തുടരുകയാണ്’ -വെസ്റ്റേണ്‍ നേവല്‍ കമാന്‍ഡ് എക്സില്‍ പോസ്റ്റ് ചെയ്തു.
വിശദ അന്വേഷണത്തിന് നാവിക ബോര്‍ഡ് ഓഫ് എന്‍ക്വയറിക്ക് ഉത്തരവിട്ടിട്ടുണ്ട്. സംഭവത്തെ കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല.
Next Story
Adjust Story Font
16
