ഡ്യൂട്ടിക്കിടെ പൊലീസുകാരൻ കുഴഞ്ഞുവീണ് മരിച്ചു
വൈകുന്നേരം മുതൽ പൊലീസുകാരന് ചില ബുദ്ധിമുട്ടുകൾ അനുഭവപ്പെട്ടിരുന്നതായി സഹപ്രവർത്തകർ പറഞ്ഞു.
ബക്സർ: ബിഹാറിൽ പൊലീസ് ഉദ്യോഗസ്ഥൻ ജോലിക്കിടെ കുഴഞ്ഞുവീണ് മരിച്ചു. മുഫസിൽ പൊലീസ് സ്റ്റേഷനിലെ നവൽ കിശോർ എന്ന പൊലീസുകാരനാണ് ഹൃദയാഘാതം മൂലം മരണപ്പെട്ടത്.
വൈകുന്നേരം മുതൽ പൊലീസുകാരന് ചില ബുദ്ധിമുട്ടുകൾ അനുഭവപ്പെട്ടിരുന്നതായി സഹപ്രവർത്തകർ പറഞ്ഞു. ഇക്കാര്യം സഹ പൊലീസുകാരെ അറിയിക്കുകയും അവർ സദർ ആശുപത്രിയിൽ പ്രവേശിപ്പിക്കുകയും ചെയ്തെങ്കിലും പരിശോധനയിൽ മരണം സ്ഥിരീകരിച്ചു.
വൈകുന്നേരത്തോടെ അസ്വസ്ഥത അനുഭവപ്പെട്ടിരുന്നെന്ന് അദ്ദേഹം പറഞ്ഞിരുന്നതായി സ്റ്റേഷൻ ഇൻചാർജ് അമിത് കുമാർ പറഞ്ഞു. മരണവിവരം അറിഞ്ഞ് മുതിർന്ന പൊലീസ് ഉദ്യോഗസ്ഥർ ആശുപത്രിയിലെത്തി.
മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കുമെന്ന് അദ്ദേഹം അറിയിച്ചു.
Next Story
Adjust Story Font
16
