ഡൽഹിയിൽ രണ്ടിടങ്ങളിൽ വെടിവെപ്പ്; ഒരാള്‍ കൊല്ലപ്പെട്ടു

ഡല്‍ഹി: ഡൽഹിയിൽ രണ്ടിടങ്ങളിൽ വെടിവെപ്പ് . കബീര്‍ നഗർ, ജ്യോതി നഗർ എന്നിവിടങ്ങളിലാണ് വെടിവെപ്പ് ഉണ്ടായത് .

ഇന്നലെ അർധരാത്രിയാണ് ഡൽഹിയിൽ രണ്ടിടങ്ങളിൽ വെടിവെപ്പ് ഉണ്ടായത്.കബീര്‍ നഗറിൽ ഉണ്ടായ വെടിവെപ്പിൽ ഒരാള്‍ കൊല്ലപ്പെടുകയും രണ്ടുപേർക്ക് പരിക്കേൽക്കുകയും ചെയ്തു ബോബി എന്ന് വിളിക്കുന്ന നദീമാണ് കൊല്ലപ്പെട്ടത്. നദീമിന്‍റെ 2 സുഹൃത്തുക്കൾക്ക്‌ പരുക്കേറ്റിട്ടുണ്ട്. ബൈക്കിലെത്തിയ സംഘമാണ് വെടിയുതിര്‍ത്തത്.

കേസിൽ രണ്ടുപേരെ പൊലീസ് കസ്റ്റഡിയിലെടുത്തു.ഏഴ് റൗണ്ട് വെടിയുതിര്‍ത്തെന്നും ആക്രമണത്തിന്‍റെ കാരണം വ്യക്തമല്ലെന്നും പൊലീസ് അറിയിച്ചു. ഇതിന് പിന്നാലെയാണ് ഡല്‍ഹിയെ ജ്യോതി നഗറിൽ രണ്ടാമത്തെ വെടിവെപ്പ് ഉണ്ടായത്.സ്കൂട്ടറിലെത്തിയ മൂന്നംഗം സംഘം വീടിന്നേരെ വെടിയുതിർക്കുകയായിരുന്നു.സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.