' വിരലുകള്‍ തല്ലിയൊടിക്കും'; മമതയെ വിമര്‍ശിക്കുന്നവരെ ഭീഷണിപ്പെടുത്തി തൃണമൂല്‍ മന്ത്രി

കൊല്‍ക്കത്ത: കൊൽക്കത്തയിലെ ആർജി കാർ മെഡിക്കൽ കോളജ് ആശുപത്രിയിലെ വനിതാ ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവത്തിൽ രാജ്യവ്യാപക പ്രതിഷേധം ഉയരുകയാണ്. മുഖ്യമന്ത്രി മമത ബാനര്‍ജി രാജി വയ്ക്കണമെന്നും സമരക്കാര്‍ ആവശ്യപ്പെടുന്നുണ്ട്. ഇതിനിടെ മമതയെ അധിക്ഷേപിക്കുന്നവരുടെ വിരലുകള്‍ തല്ലിയൊടിക്കുമെന്ന് ഭീഷണി മുഴക്കിയിരിക്കുകയാണ് തൃണമൂല്‍ കോണ്‍ഗ്രസ് മന്ത്രിയായ ഉദയന്‍ ഗുഹ.

ഒരു പരിപാടിയിൽ സംസാരിക്കവേ, സംഭവത്തിൽ സംസ്ഥാന തലസ്ഥാനത്ത് നടന്ന പ്രതിഷേധത്തെയും ശൈഖ് ഹസീനയെ പുറത്താക്കിയതിന് ശേഷമുള്ള ബംഗ്ലാദേശിലെ സാഹചര്യത്തെയും ഗുഹ താരതമ്യം ചെയ്തു. ''ബലാത്സംഗ കൊലപാതക സംഭവത്തിൽ മമതയ്‌ക്കെതിരെ വിരൽ ചൂണ്ടുന്നവരെയും സോഷ്യൽ മീഡിയയിൽ അധിക്ഷേപിക്കുന്നവരെയും രാജി ആവശ്യപ്പെടുന്നവരെയും കണ്ടുപിടിച്ച് അവരുടെ വിരലുകൾ ഒടിക്കും. ബംഗാളിനെ ബംഗ്ലാദേശാക്കി മാറ്റാനുള്ള ശ്രമമാണ് നടക്കുന്നതെന്നും'' ഗുഹ ഒരു പരിപാടിയിൽ പറഞ്ഞു. "ആൾക്കൂട്ടം ആശുപത്രി തകർത്തതിന് ശേഷവും കൊൽക്കത്ത പൊലീസ് വെടിയുതിർത്തില്ല. ബംഗ്ലാദേശിലേതു പോലുള്ള സാഹചര്യം പശ്ചിമ ബംഗാളിൽ അനുവദിക്കില്ല. ബംഗാളിനെ ബംഗ്ലാദേശായി മാറ്റാൻ ഞങ്ങൾ സമ്മതിക്കില്ല." ടിഎംസി മന്ത്രി കൂട്ടിച്ചേർത്തു.

ഗുഹയുടെ പരാമര്‍ശത്തിനെതിരെ ബി.ജെ.പി ദേശീയ വക്താവ് ഷെഹ്‌സാദ് പൂനവല്ല രംഗത്തെത്തി. "ഇതാണ് യഥാർത്ഥ ഫാസിസം" എന്ന് കുറ്റപ്പെടുത്തുകയും ചെയ്തു. " ആഗസ്ത് 14 അര്‍ധരാത്രിയിലെ സ്ത്രീകളുടെ മാർച്ചിനെ അപമാനിക്കുകയും പരിഹസിക്കുകയും ചെയ്ത ഏകാധിപതി ദീദി മന്ത്രി ഉദയൻ ഗുഹ മുഖ്യമന്ത്രിക്ക് നേരെ വിരൽ ചൂണ്ടിയാൽ വിരലുകൾ ഒടിക്കുമെന്ന് ഇപ്പോൾ ഞെട്ടിക്കുന്ന മുന്നറിയിപ്പ് നൽകുന്നു'' പൂനവല്ല എക്സില്‍ കുറിച്ചു. ''കൊൽക്കത്ത പൊലീസ് പൗരന്മാർക്ക് ഭീഷണി നോട്ടീസ് നൽകുന്നു. ഡോക്ടർമാര്‍ക്ക് സമന്‍സ് അയക്കുന്നു. പ്രതിഷേധം ഒഴിവാക്കാൻ ഫുട്ബോൾ മത്സരം റദ്ദാക്കി.സന്ദീപ് ഘോഷിനെക്കുറിച്ച് സംസാരിച്ചതിന് ശന്തനു സെന്നിനെ വക്താവ് സ്ഥാനത്ത് നിന്ന് പുറത്താക്കി, സുഖേന്ദു റോയിക്ക് സമൻസ് അയച്ചു. ഇപ്പോൾ തുറന്ന ഭീഷണികൾ! ബാലത്കാരി ബച്ചാവോ, സച്ച് ചിപ്പാവോ എന്ന വിഷയത്തിൽ സൻവിധാൻ ബച്ചാവോ നിശബ്ദനാണെന്ന് പറയുന്ന ഇന്‍ഡ്യാ സഖ്യം മമത എങ്ങനെയാണ് സത്യത്തെ അടിച്ചമർത്തുന്നതെന്ന് കൊല്ലപ്പെട്ട ഡോക്ടറുടെ മാതാപിതാക്കളും സംസാരിച്ചു'' പോസ്റ്റില്‍ പറയുന്നു.

Dictator Didi minister Udayan Guha who insulted & mocked Women’s 14th August midnight march now gives chilling warning
“If you point finger at CM, fingers will be broken”

This is real fascism

-Kolkata police issues threat notices to citizens, summons doctors
-football match… pic.twitter.com/sPoUTnHXzH

— Shehzad Jai Hind (Modi Ka Parivar) (@Shehzad_Ind) August 19, 2024

അതേസമയം, ആർ ജി കർ മെഡിക്കൽ കോളജ് ആശുപത്രിയിൽ ബലാത്സംഗം ചെയ്ത് കൊലപ്പെടുത്തിയ സംഭവത്തില്‍ സമൂഹമാധ്യമങ്ങളിൽ തെറ്റായ വിവരങ്ങളും വ്യാജ ഓഡിയോയും പ്രചരിപ്പിക്കുന്നവർക്കെതിരെ മാത്രമാണ് പൊലീസ് നടപടി സ്വീകരിക്കുന്നതെന്ന് മുതിർന്ന തൃണമൂൽ കോൺഗ്രസ് നേതാവ് കുനാൽ ഘോഷ് പറഞ്ഞു. ശരിയായ രീതിയില്‍ ജനങ്ങള്‍ക്ക് പ്രതിഷേധിക്കാമെന്നും അദ്ദേഹം കൂട്ടിച്ചേര്‍ത്തു. കൊൽക്കത്ത പോലീസ് കമ്മീഷണറെയും കാർ മെഡിക്കൽ കോളേജ് ആശുപത്രി മുൻ പ്രിൻസിപ്പലിനെയും സിബിഐ ചോദ്യം ചെയ്യണമെന്ന് ആവശ്യപ്പെട്ട് മണിക്കൂറുകൾക്ക് ശേഷം തൃണമൂൽ കോൺഗ്രസ് എംപി സുഖേന്ദു ശേഖർ റോയിക്ക് കൊൽക്കത്ത പൊലീസ് ഞായറാഴ്ച സമന്‍സ് അയച്ചിരുന്നു.

സർക്കാർ നടത്തുന്ന കർ എംസിഎച്ചിലെ വനിതാ ഡോക്ടറെ ബലാത്സംഗം ചെയ്ത് കൊലപ്പെടുത്തിയത് അന്വേഷിക്കുന്ന സിബിഐയോട് നീതിപൂർവം പ്രവർത്തിക്കണമെന്നും മെഡിക്കൽ സ്ഥാപനത്തിലെ മുൻ പ്രിൻസിപ്പലിനെയും സിപിയെയും കസ്റ്റഡിയിൽ ചോദ്യം ചെയ്യണമെന്നും റോയ് ആവശ്യപ്പെട്ടു. സംഭവവുമായി ബന്ധപ്പെട്ട് തെറ്റായ വിവരങ്ങൾ പോസ്റ്റ് ചെയ്തുവെന്നാരോപിച്ച് ഞായറാഴ്ച വൈകീട്ട് 4 മണിക്ക് ലാൽബസാറിലെ ഓഫീസർമാർക്ക് മുന്നിൽ ഹാജരാകാൻ കൊൽക്കത്ത പൊലീസ് റോയിയോട് ആവശ്യപ്പെട്ടതായി പൊലീസ് വൃത്തങ്ങൾ അറിയിച്ചു.വനിതാ ഡോക്‌ടറെക്കുറിച്ച് കിംവദന്തികൾ പ്രചരിപ്പിച്ചതിന് മുൻ ബിജെപി എംപി ലോക്കറ്റ് ചാറ്റർജിക്കും രണ്ട് പ്രശസ്ത ഡോക്ടർമാർക്കും കൊൽക്കത്ത പൊലീസ് സമൻസ് അയച്ചതായി ഒരു ഉദ്യോഗസ്ഥൻ പറഞ്ഞു.ഇവരെ കൂടാതെ സംഭവത്തെക്കുറിച്ച് തെറ്റായ വിവരങ്ങൾ പ്രചരിപ്പിച്ചതിന് 57 പേർക്കും പൊലീസ് സമൻസ് അയച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു.

প্রতিবাদী পোস্ট হলেই পুলিশ ব্যবস্থা নিচ্ছে, এই ন্যাকামির মিথ্যা বন্ধ করুন। প্রতিবাদ করবেন ভাবলে সঠিক ভাষায়, যুক্তিতে একশোবার করুন। হাজারবার করুন।
কিন্তু ভুল তথ্য, বিকৃত অনুমান, ভুয়ো অডিও, উদ্দেশ্যপ্রণোদিত প্ররোচনা ছড়ানোর পোস্ট, নিহতের নাম-ছবি, এসব দিলে পুলিশ সতর্ক করবেই।

— Kunal Ghosh (@KunalGhoshAgain) August 19, 2024