കുളത്തിനരികെ ചാക്കിന് ചുറ്റും തെരുവുനായകൾ, പരിശോധിച്ച നാട്ടുകാർ ഞെട്ടി;യുവതിയുടെ മൃതദേഹം

ഉത്തർപ്രദേശിൽ യുവതിയുടെ മൃതദേഹം ചാക്കിൽ കെട്ടിയനിലയിൽ. തെരുവുനായകൾ മൃതദേഹം കടിച്ചുകീറുന്നത് കണ്ട് സംശയം തോന്നിയ നാട്ടുകാർ പരിശോധിച്ചപ്പോഴാണ് യുവതിയെ മരിച്ചനിലയിൽ കണ്ടെത്തിയത്.

മീററ്റ് ജില്ലയിൽ പർതാപൂർ പ്രദേശത്ത് നിന്നാണ് മൃതദേഹം കണ്ടെത്തിയത്. കുളത്തിന് സമീപത്ത് ഉപേക്ഷിക്കപ്പെട്ട നിലയിലാണ് ചാക്ക് കണ്ടെത്തിയത്. മൃതദേഹം തിരിച്ചറിയാൻ സാധിച്ചിട്ടില്ല. യുവതിയെ കൊന്ന് ചാക്കിലാക്കിയതാണ് എന്നാണ് പൊലീസിന്റെ പ്രാഥമിക നിഗമനം.

തെരുവുനായകൾ ചാക്കിൽ നിന്ന് ശരീരഭാഗങ്ങൾ കടിച്ചുകീറുന്നത് കണ്ട നാട്ടുകാർക്ക് സംശയം തോന്നി പരിശോധിച്ചപ്പോഴാണ് യുവതിയെ മരിച്ചനിലയിൽ കണ്ടെത്തിയത്. വെറെ എവിടേയെങ്കിലും വച്ച് കൊലപ്പെടുത്തിയ ശേഷം മൃതദേഹം ചാക്കിലാക്കി ഇവിടെ കൊണ്ടുവന്നു തള്ളിയതാകാമെന്നാണ് പൊലീസ് പറയുന്നത്. മൃതദേഹം പോസ്റ്റ്മോർട്ടത്തിന് അയച്ചു.