ഗംഭീര ഘോഷയാത്രയോടെ ഓണം വാരാഘോഷത്തിന് കൊടിയിറങ്ങി

നാടന്‍ കലാരൂപങ്ങളും വാദ്യമേളങ്ങളും ഫ്ലോട്ടുകളും ആഘോഷങ്ങള്‍ക്ക് മിഴിവേകി

ഗംഭീരഘോഷയാത്രയോടെ സംസ്ഥാന സര്‍ക്കാരിന്‍റെ ഓണം വാരാഘോഷത്തിന് കൊടിയിറങ്ങി. റോഡിന്‍റെ ഇരുവശങ്ങളിലും നിന്ന് ഘോഷയാത്ര കാണാന്‍ ആയിരങ്ങളാണെത്തിയത്. നാടന്‍ കലാരൂപങ്ങളും വാദ്യമേളങ്ങളും ഫ്ലോട്ടുകളും ആഘോഷങ്ങള്‍ക്ക് മിഴിവേകി.

എല്ലായിടത്തയും പോലെ തന്നെ ആദ്യം ഉദ്ഘാടനമായിരുന്നു. പിന്നെ കേട്ടത് പലതരം ശബ്ദങ്ങള്‍. അത് കഴിഞ്ഞപ്പോള്‍ കണ്ടതെല്ലാം കുറേയേറെ വേഷങ്ങളാണ്. അഭ്യാസങ്ങളും ഉണ്ടായിരുന്നു ഏറെ. മുഖ്യമന്ത്രിയും ഉദ്യോഗസ്ഥരും ഘോഷയാത്ര കാണാനെത്തിയത് കുടുംബസമേതം. കാണാനെത്തിയ ജനങ്ങള്‍ക്കാണങ്കില്‍ കയ്യും കണക്കുമില്ല.