ഇ അഹമ്മദിന്റെ മൃതദേഹത്തോട് അനാദരവ്: ലീഗ് കേന്ദ്ര സര്‍ക്കാരിനെ പ്രതിഷേധം അറിയിക്കും
ഇ അഹമ്മദിന്റെ മൃതദേഹത്തോട് അനാദരവ്: ലീഗ് കേന്ദ്ര സര്‍ക്കാരിനെ പ്രതിഷേധം അറിയിക്കും
ഇ അഹമ്മദിന്റെ മൃതദേഹത്തോട് അനാദരവ് കാട്ടിയതില്‍ കടുത്ത പ്രതിഷേധവും അമര്‍ഷവുമുണ്ടെന്ന് ലീഗ് നേതാക്കള്‍.
ഇ അഹമ്മദിന്റെ മൃതദേഹത്തോട് അനാദരവ് കാട്ടിയതില്‍ കടുത്ത പ്രതിഷേധവും അമര്‍ഷവുമുണ്ടെന്ന് മുസ്‌ലിം ലീഗ് നേതാക്കള്‍. കേന്ദ്ര സര്‍ക്കാരിനെ പ്രതിഷേധം അറിയിക്കും. മരണവുമായി ബന്ധപ്പെട്ട് ആശുപത്രിയില്‍ നടന്ന കാര്യങ്ങളിലെ ദുരൂഹത നീക്കണമെന്ന് കോണ്‍ഗ്രസും സിപിഎമ്മും ആവശ്യപ്പെട്ടു.
കോണ്‍ഗ്രസുമായി കൂടിയാലോചിച്ച് പ്രതിഷേധ പരിപാടികളുമായി മുന്നോട്ട് പോകാനാണ് മുസ്‌ലിം ലീഗിന്റെ തീരുമാനം. വിഷയത്തില്‍ സമഗ്രാന്വേഷണം ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല പ്രധാനമന്ത്രിക്ക് കത്ത് അയച്ചു.
എന്താണ് സംഭവിച്ചതെന്ന് അറിയാന്‍ രാഷ്ട്രത്തിനും കുടുംബത്തിനും അവകാശമുണ്ടെന്ന് കോണ്‍ഗ്രസ് നേതാവ് എ കെ ആന്റണി പറഞ്ഞു. ഡല്‍ഹി കേരളഹൌസില്‍ നടന്ന അനുസ്മരപരിപാടിയില്‍ സംസാരിക്കുകയായിരുന്നു അദ്ദേഹം. ദുരൂഹത പുറത്ത് കൊണ്ടുവരണമെന്ന് അനുസ്മരണ ചടങ്ങില്‍ പങ്കെടുത്ത സിപിഎം ജനറല്‍ സെക്രട്ടറി സീതാറാം യെച്ചൂരിയും ആവശ്യപ്പെട്ടു.
Adjust Story Font
16
