ഹാദിയയെ വിമാനമാര്‍ഗം ഡല്‍ഹിയിലെത്തിക്കും
ഹാദിയയെ വിമാനമാര്‍ഗം ഡല്‍ഹിയിലെത്തിക്കും
സുരക്ഷ കണക്കിലെടുത്ത് വിമാനമാര്‍ഗ്ഗമാണ് കൊണ്ടു പോകുന്നതെന്ന് വൈക്കം ഡിവൈഎസ്പി അറിയിച്ചു. എന്നാല്‍ എപ്പോഴെന്ന കാര്യം..
സുപ്രീംകോടതിയില്‍ ഹാജരാക്കാന്‍ ഹാദിയയെ നാളെ ഡല്‍ഹിക്ക് കൊണ്ടുപോകും. വിമാനമാര്‍ഗ്ഗമാകും ഹാദിയയെ കൊണ്ടുപോകുക. എന്നാല്‍ എപ്പോള്‍ കൊണ്ടുപോകും എന്നത് സംബന്ധിച്ച് ഇവരുവരെ ഒരു വിവരവും പൊലീസ് പുറത്ത് വിട്ടിട്ടില്ല.
27ന് ഹാദിയയെ നേരിട്ട് ഹാജരാക്കണമെന്ന് സുപ്രീംകോടതി നിര്‍ദ്ദേശിച്ചിരുന്നു. ഇതിന്റെ അടിസ്ഥാനത്തിലാണ് മാതാപിതാക്കള്‍ ഹാദിയയെ കോടതിയില്‍ ഹാജരാക്കാന്‍ തീരുമാനിച്ചത്. സുരക്ഷ കണക്കിലെടുത്ത് വിമാനമാര്‍ഗ്ഗമാണ് കൊണ്ടു പോകുന്നതെന്ന് വൈക്കം ഡിവൈഎസ്പി അറിയിച്ചു. എന്നാല്‍ എപ്പോഴെന്ന കാര്യം പറയാന്‍ ഡിവൈഎസ്പി തയ്യാറായില്ല.
നേരത്തെ ട്രെയിന്‍ മാര്‍ഗ്ഗം കൊണ്ടുപോകുമെന്ന് വാര്‍ത്തകള്‍ പരന്നിരുന്നു. എന്നാല്‍ ഇത് മാറ്റിവെക്കുകയായിരുന്നു. സുരക്ഷ ഉറപ്പാക്കാന്‍ പൊലീസിന്റെ ഒരു സംഘം ഡല്‍ഹിക്ക് തിരിച്ചിട്ടുണ്ട്. 26ന് ഡല്‍ഹിയിലെത്തി അഭിഭാഷകരെ കണ്ടശേഷമാകും ഹാദിയയെ കോടതിയില്‍ ഹാജരാക്കുക.
Adjust Story Font
16
