മറ്റക്കര ടോംസ് കോളേജില്‍ വിദ്യാര്‍ത്ഥികളുടെയും രക്ഷിതാക്കളുടെയും പ്രതിഷേധം
മറ്റക്കര ടോംസ് കോളേജില്‍ വിദ്യാര്‍ത്ഥികളുടെയും രക്ഷിതാക്കളുടെയും പ്രതിഷേധം
സാങ്കേതിക സര്‍വകലാശാലാ പ്രതിനിധികളുടെ തെളിവെടുപ്പ് സംഘത്തിന് മുന്നിലും വിദ്യാര്‍ത്ഥികളും വിദ്യാര്‍ഥി സംഘടനകളും പ്രതിഷേധവുമായി എത്തി
വിദ്യാര്‍ത്ഥി പീഡന ആരോപണം നേരിടുന്ന കോട്ടയം മറ്റക്കര ടോംസ് കോളേജില്‍ വിദ്യാര്‍ത്ഥികളും രക്ഷിതാക്കളും പ്രതിഷേധിക്കുന്നു. കോളേജിന്റെ പുതിയ കെട്ടിടത്തിലേക്ക് ക്ലാസുകള്‍ മാറ്റുന്നതിനെതിരെയാണ് പ്രതിഷേധം. സര്വകലാശാല തെളിവെടുപ്പ് സംഘത്തെ തെറ്റിദ്ധരിപ്പിക്കാനാണ് നടപടിയെന്നാണ് വിദ്യാര്‍ഥികളുടെ ആരോപണം.
കോളെജിലെത്തിയ സാങ്കേതിക സര്‍വകലാശാലാ പ്രതിനിധികളുടെ തെളിവെടുപ്പ് സംഘത്തിന് മുന്നിലും വിദ്യാര്‍ത്ഥികളും വിദ്യാര്‍ഥി സംഘടനകളും പ്രതിഷേധവുമായി എത്തി. പഴുതുകളടച്ച് മുഴുവന്‍ കാര്യങ്ങളം പരിശോധിക്കുമെന്ന് സംഘത്തിലെ ഡോ.രാജശേഖരപിള്ള പറഞ്ഞു.
വിദ്യാര്‍ഥികളുടെ പരാതിയില്‍ കഴമ്പുണ്ടെന്ന് സര്വകലാശാല രജിസ്റ്റാര്‍ ഡോ. പത്മകുമാറിന്റെ നേതൃത്വത്തില്‍ സര്‍വകലാശാലക്ക് നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് മൂന്നംഗ സമിതിയെ വീണ്ടും തെളിവെടുപ്പിനായി നിയോഗിച്ചത്.ഈ സമിതിയുടെ റിപ്പോര്‍ട്ടിന്റെ കൂടി അടിസ്ഥാനത്തിലാകും ടോംസ് കോളജിനെതിരെ സാങ്കേതിക സര്വകലാശാല നടപടി സ്വീകരിക്കുക.
Adjust Story Font
16
