സ്ഥാനാര്‍ഥികളെ താരങ്ങളാക്കുന്ന അണിയറയിലെ താരങ്ങള്‍
സ്ഥാനാര്‍ഥികളെ താരങ്ങളാക്കുന്ന അണിയറയിലെ താരങ്ങള്‍
സ്ഥാനാര്‍ത്ഥികളുടെ വ്യക്തിപരമായ കാര്യങ്ങളും പ്രചരണ കാര്യങ്ങളും ഉള്‍പ്പെടെ അടുക്കും ചിട്ടയോടും കൂടി കൈകാര്യം ചെയ്യുന്ന
തിരഞ്ഞെടുപ്പ് രംഗത്ത് സ്ഥാനാര്‍ത്ഥികള്‍ തന്നെയാണ് താരങ്ങള്‍. എന്നാല്‍ തിരഞ്ഞെടുപ്പ് പ്രചരണത്തിന്റെ അണിയറയിലും ചില താരങ്ങളുണ്ട്. സ്ഥാനാര്‍ത്ഥികളുടെ വ്യക്തിപരമായ കാര്യങ്ങളും പ്രചരണ കാര്യങ്ങളും ഉള്‍പ്പെടെ അടുക്കും ചിട്ടയോടും കൂടി കൈകാര്യം ചെയ്യുന്ന തിരഞ്ഞെടുപ്പ് ഓഫീസിന്റെ ചുമതലക്കാരാണ് ഇത്തരം താരങ്ങളില്‍ ഒരു വിഭാഗം.
ഇത് കോഴിക്കോട് നോര്‍ത്ത് മണ്ഡലം യു ഡി എഫ് സ്ഥാനാര്‍ത്ഥി പി എം സുരേഷ് ബാബുവിന്റെ തിരഞ്ഞെടുപ്പ് ഓഫീസ് ചുമതലക്കാരന്‍ ഹരിദാസന്. യു ഡി എഫ് സ്ഥാനാര്‍ത്ഥി ആരാണെങ്കിലും പതിറ്റാണ്ടുകളായി ഹരിദാസന് തന്നെയാണ് തിരഞ്ഞെടുപ്പ് ഒരുക്കങ്ങളുടെ ചുമതലക്കാരന്‍. സ്ഥാനാര്‍ത്ഥിയുടെ പ്രഭാത ഭക്ഷണം മുതല്‍ പ്രചരണയോഗത്തില്‍ വരെ ഹരിദാസന്റെ കണ്ണെത്തും. എല്ലായിടത്തും കണ്ണെത്തുമെങ്കിലും തന്റെ കണ്ണ് വെട്ടിച്ച പ്രവര്‍ത്തകരുമുണ്ടെന്ന് ഹരിദാസന് പറയുന്നു.
ഓഫീസ് ചുമതലയുടെ കാര്യത്തില്‍ സ്ഥാനാര്‍ത്ഥിയുടെ വോട്ട് ഹരിദാസന് തന്നെ. മുന്‍ മന്ത്രി എം ടി പത്മയുടെ പേഴ്സണല്‍ സ്റ്റാഫില്‍ അംഗമായിരുന്നു ഹരിദാസന്. ഒരു പ്രതിഫലവും വാങ്ങാതെയാണ് ഹരിദാസന്റെ പതിറ്റാണ്ടുകളായ ഈ രാപ്പകല്‍ പ്രവര്‍ത്തനം.
ഹരിദാസന് ഒരു പ്രതീകം മാത്രമാണ്. ഇത്തരം നിരവധി പ്രവര്‍ത്തകരുണ്ട് സ്ഥാനാര്‍ത്ഥികളെ താരങ്ങളാക്കുന്നതിന് പിന്നില്‍.
Adjust Story Font
16
