വാഹനങ്ങളെ ഇടിച്ചുതെറിപ്പിച്ച് സ്പിരിറ്റ് ലോറിയുടെ മരണപ്പാച്ചില്‍

ലോറി ഇടിച്ച് 5 പേര്‍ക്ക് പരിക്കേറ്റു

നിരവധി വാഹനങ്ങളെ ഇടിച്ചുതെറിപ്പിച്ച് സ്പിരിറ്റ് ലോറിയുടെ മരണപ്പാച്ചില്‍. മലപ്പുറം ജില്ലയിലെ ചേളാരിയില്‍നിന്നും വാഹനങ്ങളെ ഇടിച്ച് മുന്നോട്ട് പോയ ലോറിയെ കോഴിക്കോട് എലത്തൂരില്‍വെച്ചാണ് പിടികൂടിയത്. ലോറി ഇടിച്ച് 5 പേര്‍ക്ക് പരിക്കേറ്റു.

ചേളാരിയില്‍വെച്ച് വഴിയില്‍ നിര്‍ത്തിയിട്ട കാറിനെ ഇടിച്ച ലോറി നിര്‍ത്താതെ പോയി.രാമനാട്ടുകരയില്‍വെച്ചും അപകടം ഉണ്ടായി. ഇതോടെ നാട്ടുകാര്‍ ലോറിയെ പിന്തുടര്‍ന്നു. വഴിയില്‍ കാണുന്ന വാഹനങ്ങളെ ഇടിച്ചുതെറിപ്പിച്ച് ലോറി മുന്നോട്ട് കുതിച്ചു. പലരും ഭാഗ്യം കൊണ്ട് മാത്രമാണ് രക്ഷപെട്ടത്. പൊലീസും നാട്ടുകാരും പിന്തുടര്‍ന്നെങ്കിലും ലോറി പിടികൂടാനായില്ല. എലത്തൂരില്‍ വെച്ച് മറ്റൊരു ലോറി റോഡിന് കുറകെ ഇട്ടാണ് സ്പിരിറ്റ് ലോറി പിടികൂടാനായത്. മധ്യപ്രദേശ് സ്വദേശി കുല്‍ദീപാണ് 30 കിലോമീറ്ററിനിടയില്‍ ഇരുപതിലധികം വാഹനങ്ങളെ ഇടിച്ചു.5പേര്‍ക്ക് പരിക്കേറ്റു. നേരത്തെ സ്പിരിറ്റ് കടത്താന്‍ ഉപയോഗിച്ച വാഹനമാണെന്ന് പൊലീസ് സ്ഥിരീകരിച്ചു. വാഹനത്തിന്റെ അല്‍പ്പം സ്പിരിറ്റും പിടികൂടി. വാഹനത്തില്‍നിന്നും രക്ഷപെടാന്‍ ശ്രമിച്ച ഡ്രൈവറം നാട്ടുകാര്‍ മര്‍ദ്ദിച്ചു ഇയാളെ ബീച്ച് ആശുപത്രിയില്‍ പ്രവേശിപ്പിച്ചു.