തിരുവനന്തപുരത്ത് ശ്രീശാന്തും പത്തനാപുരത്ത് ഭീമന്‍ രഘുവും ബിജെപി സ്ഥാനാര്‍ത്ഥികള്‍
തിരുവനന്തപുരത്ത് ശ്രീശാന്തും പത്തനാപുരത്ത് ഭീമന്‍ രഘുവും ബിജെപി സ്ഥാനാര്‍ത്ഥികള്‍
തിരുവനന്തപുരം മണ്ഡലത്തില്‍ ക്രിക്കറ്റ് താരം ശ്രീശാന്തും പത്തനാപുരത്ത് നടന്‍ ഭീമന്‍രഘുവും ബിജെപി സ്ഥാനാര്‍ഥികളാവും.
ബിജെപിയുടെ കേരളത്തിലെ രണ്ടാംഘട്ട സ്ഥാനാര്‍ഥി പട്ടിക കേന്ദ്രനേതൃത്വം ഡല്‍ഹിയില്‍ പ്രഖ്യാപിച്ചു. തിരുവനന്തപുരം മണ്ഡലത്തില്‍ ക്രിക്കറ്റ് താരം ശ്രീശാന്തും പത്തനാപുരത്ത് നടന്‍ ഭീമന്‍രഘുവും സ്ഥാനാര്‍ഥികളാവും.
ബിജെപി കേന്ദ്രതെരഞ്ഞെടുപ്പ് സമിതി യോഗത്തിന് ശേഷമായിരുന്നു കേരളത്തിന്റെ ചുമതലയുള്ള ബിജെപി നേതാവ് ജെ പി നദ്ദ സ്ഥാനാര്‍ഥികളെ പ്രഖ്യാപിച്ചത്. രണ്ടാം ഘട്ടത്തില്‍ 51 അംഗ സ്ഥാനാര്‍ഥികളുടെ പട്ടിക പ്രഖ്യാപിച്ചു. ക്രിക്കറ്റ് താരം ശ്രീശാന്താണ് ഇതില്‍ പ്രമുഖന്‍. തൃപ്പൂണിത്തറ സീറ്റില്‍ മത്സരിക്കാനാണ് ശ്രീശാന്ത് ആഗ്രഹം പ്രകടിപ്പിച്ചതെങ്കിലും വിജയസാധ്യത കൂടുതലുള്ള മണ്ഡലം എന്ന നിലയില്‍ ബിജെപി കേന്ദ്രനേതൃത്വം തിരുവനന്തപുരം തിരഞ്ഞെടുക്കാന്‍ ആവശ്യപ്പെടുകയായിരുന്നു. ബിജെപിയിലേക്ക് കടന്നുവന്നതില്‍ സന്തോഷമുണ്ടെന്നും വിജയിക്കാന്‍ കഴിയുമെന്നും ശ്രീശാന്ത് പറഞ്ഞു
പത്തനാപുരത്ത് സിനിമാതാരം ഭീമന്‍രഘു കൊടുവള്ളി സംവിധായകന്‍ അലി അക്ബര്‍ എന്നിവരാണ് രണ്ടാം ഘട്ട പട്ടികയിലെ മറ്റ് പ്രമുഖര്‍. സിനിമ താരം സുരേഷ് ഗോപി മത്സരിക്കാനുള്ള സാധ്യതയില്ലെന്നും എന്നാല്‍ ബിജെപിയുടെ തെരഞ്ഞെടുപ്പ് പ്രചാരണത്തിന് മുന്നിലുണ്ടാകുമെന്ന സൂചനയാണ് ബിജെപി സംസ്ഥാന നേതൃത്വം നല്‍കുന്നത്. കേരളത്തിന് പുറമെ തമിഴ്നാട്ടിലെ 54 മണ്ഡലങ്ങളിലെയും സ്ഥാനാര്‍ഥികളെയും കേന്ദ്രതെരഞ്ഞെടുപ്പ് സമിതി പ്രഖ്യാപിച്ചു.
Adjust Story Font
16
