യുവതിയെ മതം മാറ്റി വിദേശത്തേക്ക് കടത്തിയ കേസ്; എന്‍.ഐ.എക്ക് കൈമാറും

ഗുജറാത്തിൽ താമസിച്ചിരുന്ന പത്തനംതിട്ട സ്വദേശിയായ യുവതിയുടെ പരാതിയിന്മേൽ പോലീസ് രണ്ടു പേരെ കഴിഞ്ഞ ദിവസം അറസ്റ്റ് ചെയ്തിരുന്നു

യുവതിയെ മതം മാറ്റി വിദേശത്തേക്ക് കടത്തി എന്ന കേസ് ദേശീയ അന്വേഷണ ഏജൻസിക്കു കൈമാറുമെന്ന് സൂചന. ഗുജറാത്തിൽ താമസിച്ചിരുന്ന പത്തനംതിട്ട സ്വദേശിയായ യുവതിയുടെ പരാതിയിന്മേൽ പോലീസ് രണ്ടു പേരെ കഴിഞ്ഞ ദിവസം അറസ്റ്റ് ചെയ്തിരുന്നു. കേസിൽ ഇനിയും പ്രതികൾ ഉണ്ടെന്ന്ആലുവ റൂറൽ എസ്‌ പി എ.വി ജോർജ്ജ് പറഞ്ഞു.

എറണാകുളം സ്വദേശികളായ ഫയാസ്, സിയാദ് എന്നിവരെയാണ് പോലീസ് കഴിഞ്ഞ ദിവസം അറസ്റ്റ് ചെയ്തത്. ആലുവ ക്രൈം ബ്രാഞ്ച് ഡി വൈ എസ്‌ പി പ്രഫുല്ല ചന്ദിന്റെ നേതൃത്വത്തിൽ വീടുകളിൽ റെയ്ഡ് നടത്തിയാണ് ഇവരെ അറസ്റ്റ് ചെയ്തത്. യുവതിയെ നിർബന്ധിച്ചു മതം മാറ്റി സൗദി അറേബ്യയിൽ എത്തിച്ചു എന്നും അവിടെ നിന്ന് സിറിയയിലേക് കൊണ്ട് പോകാൻ ശ്രമിച്ചപ്പോൾ രക്ഷപ്പെടുകയായിരുന്നുവെന്നും യുവതി ഹൈക്കോടതിയിൽ പരാതി നൽകിയിരുന്നു. ഹൈക്കോടതിയുടെ നിർദ്ദേശ പ്രകാരമാണ് പോലീസ് കേസെടുത്തു അന്വേഷണം ആരംഭിച്ചതെന്ന് എ വി ജോർജ് പറഞ്ഞു.

2014ൽ ബംഗളൂരുവിൽ പടിക്കുകയായിരുന്ന യുവതിയെ കേസിലെ ഒന്നാം പ്രതി മുഹമ്മദ്‌ റിയാസ് പരിചയപ്പെടുന്നത്. മുഹമ്മദ്‌ റിയാസിന്റെ ബന്ധുവാണ് അറസ്റ്റിലായത്. കേസിൽ രണ്ടു അഭിഭാഷകരടക്കം 7 പേർക്കെതിരെ കൂടി യുവതി പരാതി നൽകിയിട്ടുണ്ട്.