ആറ്റിങ്ങലില്‍ യുവാവിനെ അടിച്ചുകൊന്ന സംഭവം: ഒരാള്‍ പിടിയില്‍
ആറ്റിങ്ങലില്‍ യുവാവിനെ അടിച്ചുകൊന്ന സംഭവം: ഒരാള്‍ പിടിയില്‍
തിരുവനന്തപുരം ആറ്റിങ്ങലില്‍ യുവാവിനെ അടിച്ചുകൊന്ന സംഭവത്തില്‍ ഒരാള്‍ പിടിയില്‍. മറ്റു മൂന്ന് പ്രതികള്‍ക്കായി തെരച്ചില്‍ ഊര്‍ജിതമാണ്.
തിരുവനന്തപുരം ആറ്റിങ്ങലില്‍ യുവാവിനെ അടിച്ചുകൊന്ന സംഭവത്തില്‍ ഒരാള്‍ പിടിയില്‍. മറ്റു മൂന്ന് പ്രതികള്‍ക്കായി തെരച്ചില്‍ ഊര്‍ജിതമാണ്. കൊല്ലപ്പെട്ട ഷബീറിന്റെ മൃതദേഹം പോസ്റ്റ്മോര്‍ട്ടത്തിന് ശേഷം ഇന്ന് ബന്ധുക്കള്‍ക്ക് വിട്ടുനല്‍കും.
ഞായറാഴ്ച ഉച്ചക്കാണ് ഷബീറിനെയും സുഹൃത്ത് ഉണ്ണികൃഷ്ണനെയും വക്കം ലെവല്‍ക്രോസിന് സമീപം ഒരു സംഘം അക്രമികള്‍ നടുറോഡിലിട്ട് മൃഗീയമായി മര്‍ദിച്ചത്. മാരകമായി പരിക്കേറ്റ് മെഡിക്കല്‍ കോളജില്‍ ചികിത്സയിലായിരുന്ന ഷബീര്‍ ഇന്നലെ ഉച്ചയോടെ മരിച്ചു. വക്കം ദൈവപ്പുര സ്വദേശികളായ സന്തോഷ്, സതീഷ്, വിനായക്, കിരണ്‍ എന്നിവരെ ദൃശ്യങ്ങളില്‍ നിന്ന് തിരിച്ചറിഞ്ഞിരുന്നു. ഇതില്‍ വിനായകാണ് ഇന്ന് പൊലീസ് പിടിയിലായത്.
പ്രദേശത്തെ ക്ഷേത്രത്തിലെ ഉത്സവത്തോടനുബന്ധിച്ച് പുത്തന്‍നട - ദൈവപ്പുര പ്രദേശത്തെ യുവാക്കള്‍ തമ്മില്‍ പ്രശ്നങ്ങളുണ്ടായിരുന്നു ഇതാകാം അക്രമത്തിന് പിന്നിലെന്ന് പൊലീസ് പറയുന്നു. അക്രമികള്‍ ലഹരിയുടെ പിടിയിലായിരുന്നെന്നും സംശയമുണ്ട്. പ്രതികളുടെ വീടിന് നേരെയും ആക്രമണമുണ്ടായതിനെ തുടര്‍ന്ന് പ്രദേശത്ത് പൊലീസ് കനത്ത സുരക്ഷ ഏര്‍പ്പെടുത്തിയിട്ടുണ്ട്.
മറ്റ് സംഘര്‍ഷങ്ങളിലേക്ക് പോകാതിരിക്കാന്‍ പൊലീസ് ജാഗ്രത പാലിക്കുന്നു. നാട്ടുകാരോട് സംയമനം പാലിക്കാന്‍ പൊലീസ് അഭ്യര്‍ത്ഥിച്ചു.
Adjust Story Font
16
