'നാളെ 12 മണിക്ക് ആഹ്ലാദ പര്യടനം ആരംഭിക്കും' തോമസ് ഐസക്കിന്റെ ആത്മവിശ്വാസ പ്രകടനം

നിയമസഭാ തെരഞ്ഞെടുപ്പില്‍ തന്റെ ഭൂരിപക്ഷം 25000 കടക്കുമെന്ന് ആത്മവിശ്വാസം പ്രകടിപ്പിച്ച് ഡോ. ടിഎം തോമസ് ഐസക്ക്.

നിയമസഭാ തെരഞ്ഞെടുപ്പില്‍ തന്റെ ഭൂരിപക്ഷം 25000 കടക്കുമെന്ന് ആത്മവിശ്വാസം പ്രകടിപ്പിച്ച് ഡോ. ടിഎം തോമസ് ഐസക്ക്. നാളെ 12 മണിക്ക് വിജയാഹ്ലാദ പ്രകടനം ആരംഭിക്കുമെന്ന് പറഞ്ഞ തോമസ് ഐസക്ക് 10000 പ്ലാവിന്‍ തൈകള്‍ ഇപ്പോള്‍ തന്നെ നട്ടുകഴിഞ്ഞെന്നും പത്ത് പതിനയ്യായിരം വൃക്ഷ തൈകള്‍ കൂടി നടേണ്ടി വരുമെന്നും തോമസ് ഐസക്ക് ഫേസ്ബുക്കില്‍ വ്യക്തമാക്കിയിരിക്കുന്നു.

ആലപ്പുഴ മണ്ഡലത്തിലെ എല്‍ഡിഎഫ് സ്ഥാനാര്‍ഥി ഡോ. ടി.എം. തോമസ് ഐസക് തെരഞ്ഞെടുപ്പ് പ്രചരണ ഭാഗമായി പതിനായിരം വൃക്ഷത്തൈകള്‍ വിതരണം ചെയ്യാനുള്ള നീക്കം തെരഞ്ഞെടുപ്പ് കമ്മീഷന്‍ തടഞ്ഞിരുന്നു. വൃക്ഷത്തൈകള്‍ വിതരണം ചെയ്യുന്നതു തെരഞ്ഞെടുപ്പു ചട്ടലംഘനമാണെന്ന് ചൂണ്ടിക്കാട്ടി ഡിസിസി പ്രസിഡന്റ് എ.എ. ഷുക്കൂര്‍ തെരഞ്ഞെടുപ്പ് കമ്മീഷനു നല്‍കിയ പരാതിയുടെ അടിസ്ഥാനത്തിലാണ് വൃക്ഷത്തൈ വിതരണവും നടീലും കമ്മീഷന്‍ തടഞ്ഞത്. അപ്പോള്‍ തന്നെ ഫലപ്രഖ്യാപന ദിവസം 25000 വൃക്ഷത്തൈകള്‍ നട്ടാകും വിജയം ആഘോഷിക്കുകയെന്ന് തോമസ് ഐസക്ക് വ്യക്തമാക്കിയിരുന്നു. ഇക്കാര്യം ഫലപ്രഖ്യാപനത്തിന്റെ തലേന്നും ആവര്‍ത്തിച്ച് ആത്മവിശ്വാസം ഉറപ്പിച്ചിരിക്കുകയാണ് ഡോ. ടിഎം തോമസ് ഐസക്ക്.

തോമസ് ഐസക്കിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം