ലോക അത്ലറ്റിക് മീറ്റില്‍ പങ്കെടുത്ത ഇന്ത്യന്‍ ടീം തുര്‍ക്കിയില്‍ നിന്നും തിരിച്ചെത്തി
ലോക അത്ലറ്റിക് മീറ്റില്‍ പങ്കെടുത്ത ഇന്ത്യന്‍ ടീം തുര്‍ക്കിയില്‍ നിന്നും തിരിച്ചെത്തി
തുര്‍ക്കിയില്‍ ലോക അത്ലറ്റിക് മീറ്റില്‍ പങ്കെടുത്ത മലയാളികളടങ്ങുന്ന സംഘം ഇന്ത്യയില്‍ തിരിച്ചെത്തി. മടങ്ങിയെത്തിയ സംഘത്തിലെ 13 പേര്‍ മലയാളികളാണ്.
തുര്‍ക്കിയില്‍ ലോക അത്ലറ്റിക് മീറ്റില്‍പങ്കെടുത്ത മലയാളികളടങ്ങുന്ന സംഘം ഡല്‍ഹിയില്‍ തിരിച്ചെത്തി. 44 അംഗ ആദ്യ സംഘത്തില്‍ 13 പേര്‍ മലയാളികളാണ്. തുര്‍ക്കിയില്‍ സുരക്ഷിതരായിരുന്നെന്ന് താരങ്ങള്‍ പറഞ്ഞു.
പുലര്‍ച്ചെ 4.45 ഓടെ ടര്‍ക്കിഷ് എയര്‍ലൈന്‍ വിമാനത്തിലാണ് കായിക സംഘം ഡല്‍ഹിയില്‍ ഇറങ്ങിയത്. മൂന്ന് സംഘമായി ഇവര്‍ എത്തുമെന്നായിരുന്നു വിദേശ കാര്യമന്ത്രാലയം അറിയിച്ചിരുന്നത്. ഇതിലെ 44 അംഗ ആദ്യ സംഘമാണ് ഇപ്പോള്‍ തിരിച്ചെത്തിയിരിക്കുന്നത്. കായികമേള നടന്ന സമയത്ത് പട്ടാള അട്ടിമറി ശ്രമമുണ്ടായത് ആശങ്ക പരത്തിയിരുന്നെങ്കിലും തീര്‍ത്തും സുരക്ഷിതരായിരുന്നുവെന്ന് വിദ്യാര്‍ഥികള്‍ പറഞ്ഞു.
കായികമേള നടന്നിരുന്ന നഗരത്തില്‍ നിന്ന് അങ്കാറയിലെത്തിയ സംഘം ഇസ്താംബൂള്‍ വിമാനത്താവളത്തില്‍ നിന്നാണ് യാത്ര തിരിച്ചത്. മൂന്ന് ആണ്‍കുട്ടികളും 10 പെണ്‍കുട്ടികളും അടങ്ങുന്നതാണ് 13 അംഗ മലയാളി സംഘം. നാളെയാണ് ഇവര്‍ കേരളത്തിലേക്ക് മടങ്ങുക.
Adjust Story Font
16
