കൊച്ചിയിലെ ഗുണ്ടകളെ ഒതുക്കാന്‍ പ്രത്യേക സേന ഇറങ്ങുന്നു
കൊച്ചിയിലെ ഗുണ്ടകളെ ഒതുക്കാന്‍ പ്രത്യേക സേന ഇറങ്ങുന്നു
കൊച്ചിയിലെ ഗുണ്ടകള്‍ക്കെതിരെ ശക്തമായ നടപടികളുമായി പൊലീസ്. ഗുണ്ടാ ആക്രമണത്തെ ചെറുക്കാന്‍ ഗുണ്ടാ വിരുദ്ധ സേന രൂപീകരിച്ചു.
കൊച്ചിയിലെ ഗുണ്ടകള്‍ക്കെതിരെ ശക്തമായ നടപടികളുമായി പൊലീസ്. ഗുണ്ടാ ആക്രമണത്തെ ചെറുക്കാന്‍ ഗുണ്ടാ വിരുദ്ധ സേന രൂപീകരിച്ചു. സിറ്റി ടാസ്ക് ഫോഴ്സ് എന്നാണ് സേനയുടെ പേര്.
കൊച്ചി സിറ്റിയിലെ ഗുണ്ടകളെ അടിച്ചമര്‍ത്തുന്നതിനാണ് പ്രത്യേക പൊലീസ് സംഘത്തെ രൂപീകരിച്ചത്. കൊച്ചി റേഞ്ച് ഐജി എസ് ശ്രീജിത്ത് നേരിട്ട് സേനയെ നിയന്ത്രിക്കും. ഡെപ്യൂട്ടി കമ്മീഷണര്‍ അരുള്‍ ആര്‍ബി കൃഷ്ണയുടെ നേതൃത്വത്തിലാണ് ഈ പ്രത്യേക സേനയുടെ പ്രവര്‍ത്തനം. ജില്ലാ രഹസ്യാന്വേഷണ വിഭാഗത്തിന്റെ പിന്തുണയും ഉണ്ടാകും. ഗുണ്ടാ പ്രവര്‍ത്തനങ്ങളുമായി ബന്ധപ്പെട്ട് എന്തെങ്കിലും വിവരങ്ങള്‍ ലഭിക്കുന്നവര്‍ക്ക് 9497980430 എന്ന നമ്പറില്‍ അറിയിക്കുക. വിവരങ്ങള്‍ നല്‍കുന്നവരുടെ പേരുകള്‍ പൊലീസ് രഹസ്യമായി സൂക്ഷിക്കും. ഇത്തരം പ്രവര്‍ത്തനങ്ങള്‍ ശ്രദ്ധയില്‍പ്പെട്ടാല്‍ ഉടന്‍ നടപടി സ്വീകരിക്കുമെന്നും പൊലീസ് അറിയിച്ചു.
Adjust Story Font
16
