പ്രവാസി വ്യവസായിയുടെ ദുരൂഹ മരണം; രണ്ട് പേര്‍ പിടിയില്‍
പ്രവാസി വ്യവസായിയുടെ ദുരൂഹ മരണം; രണ്ട് പേര്‍ പിടിയില്‍
സനില്‍ ഷാ , ഷംനാദ് എന്നിവരാണ് അറസ്റ്റിലായത്
വര്‍ക്കല ഓടയത്ത് പ്രവാസി വ്യവസായി ദുരൂഹ സാഹചര്യത്തില്‍ മരിച്ച സംഭവത്തില്‍ രണ്ട് പേര്‍ പൊലീസ് പിടിയില്‍. സനില്‍ ഷാ , ഷംനാദ് എന്നിവരാണ് അറസ്റ്റിലായത്. എം എ കെ ഷാജഹാന്റെ മരണത്തില്‍ ബന്ധുക്കളും സുഹൃത്തുക്കളും സംശയം പ്രകടിപ്പിച്ച സാഹചര്യത്തില്‍ പൊലീസ് അന്വേഷണം ഊര്‍ജിതമാക്കി.
കഴിഞ്ഞ ദിവസം വര്‍ക്കല ഓടയത്ത് വെച്ചാണ് ബൈക്കിടിച്ച നിലയില്‍ എം എ കെ ഷാജഹാന്റെ മൃതദേഹം കണ്ടെത്തിയത്. സംഭവത്തില്‍ പൊലീസ് നടത്തിയ അന്വേഷണത്തില്‍ രണ്ട് പേര്‍ പിടിയിലായി. വര്‍ക്കല ഓടയം സ്വദേശി സനില്‍ ഷാ, ഇടവ സ്വദേശി ഷംനാദ് എന്നിവരാണ് പിടിയിലായത്. സംഭവ സമയത്ത് ഇവര്‍ മദ്യപിച്ചിരുന്നെന്നാണ് മൊഴി. മൃതദേഹത്തിന് സമീപത്ത് നിന്ന് ബൈക്കിന്റെ ചില ഭാഗങ്ങള്‍ കണ്ടെത്തിയിരുന്നു. ഇടിച്ച വാഹനം തിരിച്ചറിയാതിരിക്കാന്‍ വാഹനം കൊല്ലത്തെത്തിച്ച് സ്പെയര്‍ പാര്‍ട്ട്സ് മാറ്റിയെന്നും അന്വേഷണത്തില്‍ തെളിഞ്ഞു. ഇവരെ നാളെ കൊല്ലത്തെത്തിച്ച് തെളിവെടുക്കും. തുടര്‍ന്ന് പ്രതികളുടെ അറസ്റ്റ് രേഖപ്പെടുത്തും. മൃതദേഹത്തില്‍ നിന്ന് അകലെയായി മൊബൈല്‍ ഫോണും വാച്ചും കണ്ടത് ഏറെ ദുരൂഹത ഉയര്‍ത്തിയിരുന്നു. അപകടത്തെക്കുറിച്ച് സംശയമുണ്ടെന്ന് ബന്ധുക്കളും സുഹൃത്തുക്കളും ആരോപിച്ചു. മോഷണ ശ്രമം അടക്കം മരണത്തെ കുറിച്ചുള്ള ദുരൂഹതകളില്‍ വിശദമായ അന്വേഷണം വേണമെന്ന് ബന്ധുക്കള്‍ ആവശ്യപ്പെട്ടു.
Adjust Story Font
16
