കൊച്ചിയില്‍ ഓണ്‍ലൈന്‍ പെണ്‍വാണിഭ സംഘം പിടിയില്‍
കൊച്ചിയില്‍ ഓണ്‍ലൈന്‍ പെണ്‍വാണിഭ സംഘം പിടിയില്‍
മൂന്ന് പേരെ അറസ്റ്റ് ചെയ്തു
കൊച്ചിയില്‍ ഓണ്‍ലൈന്‍ പെണ്‍വാണിഭ സംഘം പിടിയില്‍. മൂന്ന് പേരെ അറസ്റ്റ് ചെയ്തു. ജോലി വാഗ്ദാനം ചെയ്താണ് പെണ്‍കുട്ടികളെ ഇവര്‍ ഇതര സംസ്ഥാനങ്ങളില്‍ നിന്ന് കേരളത്തിലേക്ക് കടത്തിക്കൊണ്ടുവരുന്നത്.
എറണാകുളം കെഎസ്ആര്‍ടിസി ബസ്റ്റാന്‍ഡിന് സമീപമുള്ള സിറ്റി ലോഡ്ജില്‍ നിന്നാണ് പെണ്‍വാണിഭ സംഘത്തിലുള്ളവരെ പൊലീസ് പിടികൂടുന്നത്. വൈറ്റില സ്വദേശി ജോണി ജോസഫ്, ലോഡ്ജുടമ റെജി മാത്യു,മൈനാഗപ്പിള്ളി സ്വദേശി മനീഷ് ലാല്‍ എന്നിവരെയാണ് പൊലീസ് അറസ്റ്റു ചെയ്തത്. ബാംഗ്ലൂരില്‍ നിന്നാണ് കൊല്‍ക്കത്ത സ്വദേശിയായ പെണ്‍കുട്ടിയെ ഇവര്‍ തട്ടിക്കൊണ്ടുവന്ന് ലോഡ്ജില്‍ താമസിപ്പിച്ചത്. പെണ്‍കുട്ടിയെ പൊലീസ് രക്ഷപ്പെടുത്തി.
പെണ്‍കുട്ടിക്ക് ജോലി വാഗ്ദാനം ചെയ്താണ് പെണ്‍കുട്ടിയെ തട്ടിക്കൊണ്ടുവന്നത്. ലൊക്കാന്‍ഡോ എന്ന വെബ്സൈറ്റില്‍ കൊടുത്തിരുന്ന നമ്പറില്‍ നിന്നാണ് പ്രതികളെക്കുറിച്ചുള്ള സൂചന ലഭിച്ചത്. ഇതുമായി ബന്ധപ്പെട്ട അന്വേഷണം ബാഗ്ലൂരിലേക്കും വ്യാപിപ്പിച്ചു കഴിഞ്ഞു.
Adjust Story Font
16
