കോഴിക്കോട് ഗുഡ്സ് ട്രെയിന്‍ പാളം തെറ്റി
കോഴിക്കോട് ഗുഡ്സ് ട്രെയിന്‍ പാളം തെറ്റി
പുലര്‍ച്ചെ ഒരു മണിയോടെയാണ് മാംഗ്ലൂരില്‍ നിന്നും ചെന്നൈയിലേക്ക് പോകുകയായിരുന്ന ഗുഡ്സ് വാഗണ്‍ പാളം തെറ്റിയത്
കോഴിക്കോട് ചേമഞ്ചേരിയില്‍ ഗുഡ്സ് ട്രെയിന്‍ പാളം തെറ്റി. മണിക്കൂറുകളോളം ഒരു ട്രാക്കിലൂടെയുള്ള ഗതാഗതം തടസ്സപ്പെട്ടു. റെയില്‍വേയുടെ ഇലക്ട്രിഫിക്കേഷന്‍ പ്രവര്‍ത്തനങ്ങള്‍ക്കുള്ള ഉപകരണങ്ങളുമായി പോയ ഗുഡ്സ് വാഗണാണ് പാളം തെറ്റിയത്.
പുലര്‍ച്ചെ ഒരു മണിയോടെയാണ് മാംഗ്ലൂരില്‍ നിന്നും ചെന്നൈയിലേക്ക് പോകുകയായിരുന്ന ഗുഡ്സ് വാഗണ്‍ പാളം തെറ്റിയത്. ചേമഞ്ചേരി റെയില്‍വേ സ്റ്റേഷന് സമീപത്ത് വെച്ചായിരുന്നു അപകടം. തുടര്‍ന്ന് ഒരു മണിക്കൂറോളം ഗതാഗതം തടസ്സപ്പെട്ടു. പിന്നീട് ഒരു ട്രാക്കിലൂടെ മാത്രമായി ആദ്യം ഗതാഗതം പുനസ്ഥാപിച്ചു. ഷൊര്‍ണ്ണൂരില്‍ നിന്ന് റെയില്‍വേയുടെ സാങ്കേതിക വിദഗ്ധരെത്തി പുലര്‍ച്ചെ അഞ്ചരയോടെ വാഗണ്‍ പാളത്തിലേക്ക് തിരകെ കയറ്റി. ട്രാക്കിന് കാര്യമായ തകരാര്‍ സംഭവിച്ചെട്ടില്ലെന്ന് റെയില്‍വേ വ്യക്തമാക്കി.
ട്രാക്കിലെ കോണ്‍ക്രീറ്റ് സ്ലാബുകളില്‍ ചിലത് മാറ്റേണ്ടി വരും . അപകടത്തെ തുടര്‍ന്ന് കണ്ണൂര്‍ - കോഴിക്കോട് പാതയിലോടുന്ന ട്രെയിനുകള്‍ വൈകി.
Adjust Story Font
16
