സോഷ്യല്‍മീഡിയയില്‍ അപവാദപ്രചാരണം; ഷാനി പ്രഭാകര്‍ ഡിജിപിക്ക് പരാതി നല്‍കി
സോഷ്യല്‍മീഡിയയില്‍ അപവാദപ്രചാരണം; ഷാനി പ്രഭാകര്‍ ഡിജിപിക്ക് പരാതി നല്‍കി
തനിക്കെതിരെ സോഷ്യല്‍മീഡിയില്‍ നടക്കുന്ന അപവാദപ്രചാരണങ്ങള്‍ക്കെതിരെ മനോരമ ന്യൂസ് ചീഫ് ന്യൂസ് പ്രൊഡ്യൂസര്‍ ഷാനി പ്രഭാകര്‍ ഡിജിപിക്ക് പരാതി നല്‍കി. അപകീര്‍ത്തികരമായ പോസ്റ്റുകളുമായി..
തനിക്കെതിരെ സോഷ്യല്‍മീഡിയില്‍ നടക്കുന്ന അപവാദപ്രചാരണങ്ങള്‍ക്കെതിരെ മനോരമ ന്യൂസ് ചീഫ് ന്യൂസ് പ്രൊഡ്യൂസര്‍ ഷാനി പ്രഭാകര്‍ ഡിജിപിക്ക് പരാതി നല്‍കി. അപകീര്‍ത്തികരമായ പോസ്റ്റുകളുമായി ഒരു സംഘം ആളുകള്‍ ഫേസ്ബുക്കിലും വാട്സാപ്പിലും അപവാദപ്രചാരണം നടത്തുന്നതായാണ് പരാതി. പരാതിയുടെ കോപ്പി ഷാനി തന്റെ ഫേസ്ബുക്ക് പേജ് വഴി പങ്കുവെച്ചു. സുഹൃത്തും എംഎല്‍എയുമായ എം സ്വരാജിനൊപ്പം ലിഫ്റ്റില്‍ നില്‍ക്കുന്ന ഷാനിയുടെ ഫോട്ടോ ഉപയോഗിച്ച് അങ്ങേയറ്റം മോശമായ രീതിയില്‍ സംഘടിതമായി പ്രചാരണം നടത്തുകയാണെന്നും പരാതിയില്‍ പറയുന്നു. അപവാദപ്രചരണം നടത്താനായി ഉപയോഗിച്ചിരിക്കുന്ന പോസ്റ്റുകളുടെ ലിങ്കുകളും വിശദാംശങ്ങളും ഉള്‍പ്പെടെയാണ് ഷാനി പ്രഭാകര്‍ ഡിജിപിക്ക് പരാതി നല്‍കിയിരിക്കുന്നത്.
പരാതിയുടെ പൂര്‍ണരൂപം:
ഡി.ജി.പിക്ക് നൽകിയ പരാതി
_______________________
സര്‍,
ഞാന്‍ ഷാനി പ്രഭാകരന്‍, മനോരമന്യൂസ് ചാനലില്‍ മാധ്യമപ്രവര്‍ത്തകയാണ്. ഇന്നലെ മുതല്‍ എനിക്കെതിരെ അപകീര്‍ത്തികരമായ പോസ്റ്റുകളുമായി ഒരു സംഘം ആളുകള്‍ ഫേസ്ബുക്കിലും വാട്സാപ്പിലും അപവാദപ്രചാരണം നടത്തുന്നു. സുഹൃത്തും എം.എല്‍.എയുമായ എം.സ്വരാജിനൊപ്പം ലിഫ്റ്റില്‍ നില്‍ക്കുന്ന ഫോട്ടോ ഉപയോഗിച്ച് അങ്ങേയറ്റം മോശമായ രീതിയില്‍ സംഘടിതമായി പ്രചരിപ്പിക്കുകയാണ്.ലൈംഗികച്ചുവയോടെയുള്ള പരാമര്‍ശങ്ങളുമായി അധിക്ഷേപം നടത്തുകയാണ്. സ്ത്രീ എന്ന രീതിയില്‍ എന്റെ അന്തസിനെയും വ്യക്തി എന്ന നിലയില്‍ സ്വകാര്യതയെയും ബാധിക്കുന്ന പ്രസ്തുതനടപടിയില്‍ ഏര്‍പ്പെട്ടിരിക്കുന്നവര്‍ക്കെതിരെ നിയമനടപടി സ്വീകരിക്കണമെന്ന് അഭ്യര്‍ഥിക്കുന്നു. അപവാദപ്രചരണം നടത്താനായി ഉപയോഗിച്ചിരിക്കുന്ന പോസ്റ്റുകളുടെ ലിങ്കുകളും വിശദാംശങ്ങളും ഇതോടൊപ്പം ചേര്‍ക്കുന്നു.
ഷാനി പ്രഭാകരന്‍
ചീഫ് ന്യൂസ് പ്രൊഡ്യൂസര്‍
മനോരമന്യൂസ്
കൊച്ചി
Adjust Story Font
16
