കെ.എം ഷാജി അയോഗ്യന്‍: നികേഷ് കുമാറിന്‍റെ പ്രതികരണമിങ്ങനെ..

അഴീക്കോട് എം.എല്‍.എ കെ.എം ഷാജിയെ അയോഗ്യനാക്കിയ ഹൈക്കോടതി വിധിയില്‍ സന്തോഷമുണ്ടെന്ന് എല്‍.ഡി.എഫ് സ്ഥാനാര്‍ഥിയായിരുന്ന എം.വി നികേഷ് കുമാര്‍‍. താന്‍ ഉന്നയിച്ച ആരോപണങ്ങള്‍ കോടതി ശരിവെച്ചു. വിജയിയായി പ്രഖ്യാപിക്കുമെന്നായിരുന്നു പ്രതീക്ഷിച്ചതെന്നും നികേഷ് കുമാര്‍ പറഞ്ഞു.

അഴീക്കോട് തെരഞ്ഞെടുപ്പ് പ്രചാരണത്തിന്‍റെ തുടക്കം മുതല്‍ വര്‍ഗീയ പ്രചാരണം നടന്നു. നിയമപോരാട്ടം തുടരും. ഉപതെരഞ്ഞെടുപ്പ് വന്നാല്‍ സ്ഥാനാര്‍ഥിയെ തീരുമാനിക്കേണ്ടത് എല്‍.‍ഡി.എഫ് ആണെന്നും നികേഷ് കണ്ണൂരില്‍ പറഞ്ഞു.