സര്ക്കാര് ശബരിമലയെ യുദ്ധഭൂമിയാക്കുന്നുവെന്ന് കണ്ണന്താനം
നാമജപം എങ്ങനെ അക്രമമാകുമെന്നും കണ്ണന്താനം ചോദിച്ചു
![സര്ക്കാര് ശബരിമലയെ യുദ്ധഭൂമിയാക്കുന്നുവെന്ന് കണ്ണന്താനം സര്ക്കാര് ശബരിമലയെ യുദ്ധഭൂമിയാക്കുന്നുവെന്ന് കണ്ണന്താനം](https://www.mediaoneonline.com/h-upload/old_images/1132048-alphonskannanthanam1.webp)
ശബരിമലയിലെ സംഘപരിവാർ അതിക്രമങ്ങളെ ന്യായീകരിച്ചും സംസ്ഥാന സർക്കാരിനെ രൂക്ഷമായി വിമര്ശിച്ചു കേന്ദ്രമന്ത്രി അൽഫോൻസ് കണ്ണന്താനം രംഗത്തെത്തി. ഭക്തർക്ക് അടിസ്ഥാന സൗകര്യമൊരുക്കുന്നതിൽ പരാജയപ്പെട്ട സർക്കാർ അക്രമം അഴിച്ചുവിടുകയാണെന്ന്ശബരിമലയല് എത്തിയ കണ്ണന്താനം ആരോപിച്ചു.
![](https://www.mediaonetv.in/mediaone/2018-11/62dcfe45-67f4-4fb4-9bec-666e58d7ee29/sabarimala_nada.jpg)
പ്രതിഷേധങ്ങളല്ല, ഭക്തിപൂര്വമുള്ള നാമജപം മാത്രമാണ് ശബരിമലയില് നടക്കുന്നതെന്നും അദ്ദേഹം പറഞ്ഞു. രാവിലെ 9 മണിയോടെയാണ് കേന്ദ്ര മന്ത്രി അൽഫോൻസ് കണ്ണന്താനം നിലക്കലിലെത്തിയത്. നിലക്കൽ ബേസ് ക്യാമ്പ് പോലും സന്ദർശനം നടത്തുന്നതിന് മുമ്പ് തന്നെ ശബരിമലയിൽ അടിസ്ഥാന സൗകര്യങ്ങൾ ഒരുക്കുന്നതിൽ സർക്കാർ പരാജയപ്പെട്ടതായി കേന്ദ്ര മന്ത്രി ആരോപിച്ചു.
![](https://www.mediaonetv.in/mediaone/2018-11/74872644-ad59-48e1-8337-5d4f0cdab681/Alphons_Kannanthanam.jpg)
ശബരിമലയിൽ സർക്കാരാണ് അക്രമം അഴിച്ചു വിടുന്നത്. സോവിയറ്റ്
റഷ്യയിലും ചൈനയിലും പോലും കാണാത്ത കാര്യങ്ങളാണ്
നടമാടുന്നത്. ശബരിമലയിൽ എത്തുന്നത് ഭക്തൻമാരാണ്
, തീവ്രവാദികളല്ല. പൊലീസ് അവരെ മർദിക്കുന്നത്
എന്തിനാണെന്നും കണ്ണന്താനം ചോദിച്ചു.
ജീവിതത്തിലൊരിക്കലും ശബരിമലയിൽ പോകാത്തവർക്ക്
ഈ രണ്ടുമാസം കൊണ്ട് പോയാൽ മാത്രമേ രക്ഷപ്പെടൂ എന്ന്
ചിന്തിക്കുന്നത് പ്രശ്നങ്ങൾ ഉണ്ടാക്കാനാണെന്നും കണ്ണന്താനം പറഞ്ഞു. നിലക്കലിലും പമ്പയിലും സന്നിധാനത്തും അടിസ്ഥാന സൗകര്യങ്ങൾ വിലയിരുത്തി കേന്ദ്ര സർക്കാരിന് മന്ത്രി റിപ്പോർട്ട് സമർപ്പിക്കും.
Adjust Story Font
16