ശബരിമല തീർഥാടകർ സഞ്ചരിച്ച ബസ് അപകടത്തിൽപ്പെട്ടു

പത്തനംതിട്ട: ശബരിമല തീർഥാടകർ സഞ്ചരിച്ച ബസ് ളാഹയിൽ അപകടത്തിൽപ്പെട്ടു. തമിഴ്‌നാട്ടിൽ നിന്നുള്ള തീർഥാടകരാണ് ബസിലുണ്ടായിരുന്നത്. കുത്തനെയുള്ള ഇറക്കവും വളവുമുള്ള സ്ഥലത്താണ് ബസ് നിയന്ത്രണംവിട്ട് മറിഞ്ഞത്.

തമിഴ്‌നാട് തിരുവന്നൂർ സ്വദേശികളായ തീർഥാടകർ ദർശനം കഴിഞ്ഞ് മടങ്ങുമ്പോഴാണ് അപകടത്തിൽപ്പെട്ടത്. 28 തീർഥാടകരാണ് വാഹനത്തിലുണ്ടായിരുന്നത്. തീർഥാടകരിൽ ആരുടെയും പരിക്ക് ഗുരുതരമല്ല.