വയനാട്ടിൽ ഡോക്ടറെ ഭീഷണിപ്പെടുത്തിയ എസ്.പി പ്രിൻസ് എബ്രഹാമിനെതിരെ കേസെടുത്തു

വയനാട്: ഡ്യൂട്ടിയിലുള്ള വനിതാ ഡോക്ടറെ ഭീഷണിപ്പെടുത്തിയ സംഭവത്തിൽ എസ്.പിക്കെതിരെ കേസെടുത്തു. വിജിലൻസ് എസ്.പി പ്രിൻസ് എബ്രഹാമിനെതിരെയാണ് മാനന്തവാടി പൊലീസ് കേസെടുത്തത്. മാനന്തവാടി മജിസ്‌ട്രേറ്റ് കോടതി ഉത്തരവിനെ തുടർന്നാണ് നടപടി. അന്വേഷണ റിപ്പോർട്ട് എത്രയും വേഗം കോടതിയിൽ ഹാജരാക്കാനും നിർദേശിച്ചു.

നവംബർ 20-നാണ് കേസിനാസ്പദമായ സംഭവം നടന്നത്. 21ന് ഡോക്ടർ പരാതി നൽകിയിട്ടും രണ്ടാഴ്ച പൊലീസ് കേസെടുത്തിരുന്നില്ല. പോസ്റ്റുമോർട്ടം ചെയ്യാതെ മൃതദേഹം വിട്ടുകൊടുക്കണമെന്ന് ആവശ്യപ്പെട്ടാണ് കോഴിക്കോട് വിജിലൻസ് എസ്.പി പ്രിൻസ് എബ്രഹാം വനിതാ ഡോക്ടറെ ഭീഷണിപ്പെടുത്തിയത്.