പിവി അന്‍വറിന്റെ കൈവശം കോഴിക്കോട്ടും മലപ്പുറത്തുമായി 30 ഏക്കര്‍ ഭൂമി; നടപടിയില്‍ സാവകാശം തേടി അധികൃതര്‍
കോടതി ഉത്തരവിലാണ് നടപടികള്‍ സ്വീകരിക്കാന്‍ താമരശ്ശേരി താലൂക്ക് ലാന്‍ഡ് ബോര്‍ഡ വീണ്ടും സാവകാശം തേടിയത്
കോഴിക്കോട്, മലപ്പുറം ജില്ലകളിലായി 30 ഏക്കറോളം ഭൂമി പിവി അന്‍വര്‍ കൈവശംവയ്ക്കുന്നതായി താമരശ്ശേരി താലൂക്ക് ലാന്‍ഡ് ബോര്‍ഡിന്റെ കണ്ടെത്തല്‍. കോഴിക്കോട്, മലപ്പുറം ജില്ലകളിലായി 22.8 ഏക്കറും, ഇതിനു പുറമെ ഏറനാട് താലൂക്കില്‍ 8.26 ഏക്കറും ഭൂമിയാണ് പിവി അന്‍വറിന്റെ ഉടമസ്ഥതയിലുള്ളതായി കണ്ടെത്തിയതെന്ന് താലൂക്ക് ലാന്റ് ബോര്‍ഡ് ചെയര്‍മാന്‍ വെളിപ്പെടുത്തി.
എംഎല്‍എയും കുടുംബവും കൈവശം വെച്ചിരിക്കുന്ന അനധികൃത ഭൂമി തിരിച്ചു പിടിക്കമണമെന്ന കോടതി ഉത്തരവിലാണ് നടപടികള്‍ സ്വീകരിക്കാന്‍ താമരശ്ശേരി താലൂക്ക് ലാന്‍ഡ് ബോര്‍ഡ വീണ്ടും സാവകാശം തേടിയത്. ഈ മാസം 27 എം.എല്‍എയില്‍ നിന്ന് വിശദീകരണം തേടും. വിശദമായ അന്വേഷണം തുടങ്ങിയെന്നും റിപ്പോര്‍ട്ട് നല്‍കാന്‍ അഞ്ച് മാസം സാവകാശം വേണമെന്നും സത്യവാങ്മൂലത്തില്‍ പറയുന്നു.
എം.എല്‍എയുടെ അനധികൃത ഭൂമി തിരിച്ചു പിടിക്കണമെന്ന ഉത്തരവില്‍ എന്ത് നടപടി സ്വീകരിച്ചു എന്നറിയിക്കാന്‍ സര്‍ക്കാരിന് ഹൈകോടതി നിര്‍ദേശം നല്‍കിയിരുന്നു.
Adjust Story Font
16
