ഫുട്‌ബോൾ കളിക്കിടെ നടന്ന തർക്കത്തിന് വീട് കയറി ആക്രമണം; വീട്ടമ്മ ഉൾപ്പടെ 3 പേർക്ക് പരിക്കേറ്റു

പാലക്കാട്: ഫുട്‌ബോൾ കളിക്കിടെ നടന്ന തർക്കത്തിന് വീട് കയറി ആക്രമണം വീട്ടമ്മ ഉൾപ്പടെ 3 പേർക്ക് പരിക്കേറ്റു. പാലക്കാട് മാങ്കുറിശ്ശി തരുവക്കോടാണ് സംഭവം മാരകായുധങ്ങളുമായി എത്തിയ 12 അംഗ സംഘമാണ് ആക്രമണം നടത്തിയത്. ബിനോയ്, അമ്മ ബിന്ദു, അയൽവാസിയായ സുബൈർ എന്നിവർക്കാണ് പരിക്കേറ്റത്.

ഇന്നലെ വൈകീട്ടാണ് സംഭവം. അക്രമി സംഘം ബിനോയുടെ വീട്ടിലേക്കെത്തി അക്രമിക്കുകയായിരുന്നു. ഈ സമയം ബിനോയും അമ്മ ബിന്ദുവും മാത്രമാണ് വീട്ടിലുണ്ടായിരുന്നത്. ബഹളംകേട്ട് അയൽവാസിയായ സുബൈർ ഓടിയെത്തുകയായിരുന്നു. ഓടികൂടിയ അയൽവാസികളുടെ ഇടപെടൽ കൊണ്ടാണ് വലിയൊരു ദുരന്തം ഒഴിവായത്. സംഭവത്തിൽ റാഷിദ്, റഉഫ്, അർഷാദ് എന്നിവർക്കെതിരെയും കണ്ടാലറിയാവുന്ന മറ്റുള്ളവർക്കെതിരെയും പൊലീസ് കേസെടുത്തിട്ടുണ്ട്.