തിരുവനന്തപുരത്ത് പെൺകുട്ടികൾക്കു നേരെ യുവാവിന്‍റെ അതിക്രമം; കയറിപ്പിടിച്ചു

തിരുവനന്തപുരം: തലസ്ഥാനത്ത് വിദ്യാർത്ഥിനികൾക്കുനേരെ യുവാവിന്റെ അതിക്രമം. സിവിൽ സർവീസ് പഠിതാക്കളെ യുവാവ് കയറിപ്പിടിച്ചു. കവടിയാറിനു സമീപം പണ്ഡിറ്റ് കോളനിയിലെ യുവധാരാ ലൈനിലാണ് ആക്രമണം നടന്നത്.

ഈ മാസം 26നാണ് അക്രമം നടന്നത്. സിവിൽ സർവീസ് കോച്ചിങ് ക്ലാസ് കഴിഞ്ഞു മടങ്ങുകയായിരുന്ന പെൺകുട്ടികളെ ബൈക്കിലെത്തിയ യുവാവ് അതിക്രമിക്കുകയായിരുന്നു. ബൈക്ക് സമീപത്ത് ഒതുക്കിയ ശേഷമായിരുന്നു കൈയേറ്റശ്രമം.

സംഭവത്തിനു പിന്നാലെ പെൺകുട്ടികൾ മ്യൂസിയം പൊലീസ് സ്റ്റേഷനിൽ പരാതി നൽകിയിരുന്നു. അക്രമത്തിന്റെ സി.സി.ടി.വി ദൃശ്യങ്ങൾ പുറത്തുവന്നിട്ടും പ്രതിയെ ഇനിയും പിടികൂടാനായിട്ടില്ല. നാല് ദിവസം കഴിഞ്ഞിട്ടും അന്വേഷണം തുടരുകയാണെന്നാണ് പൊലീസ് പെൺകുട്ടികളെ അറിയിച്ചത്.

Watch for more details

Summary: Young man assaulted female civil service students in Yuvadhara Line in Pandits Colony near Kowdiar, Thiruvananthapuram