നടുറോഡിൽ ഓട്ടോ അടിച്ചുതകർത്തു; ആക്രമണം ഓട്ടോക്കൂലി ചോദിച്ചതിന്, രണ്ട് പേർ അറസ്റ്റിൽ
മുപ്പത് രൂപ മിനിമം ചാർജ് ആവശ്യപ്പെട്ടപ്പോൾ അമിത തുകയാണെന്ന് പറഞ്ഞാണ് വാക്കുതർക്കമുണ്ടായത്
തിരുവനന്തപുരം: കൊറ്റാമം ജംഗ്ഷനിൽ നിർത്തിയിരുന്ന ഓട്ടോ ഒരു സംഘം അടിച്ചു തകർത്തു. ഓട്ടോക്കൂലി ചോദിച്ചതിനായിരുന്നു ആക്രമണമെന്നാണ് ഉടമ സന്തോഷിന്‍റെ വിശദീകരണം. കേസിൽ രണ്ട് പേരെ അറസ്റ്റ് ചെയ്തു.
ഇന്ന് ഉച്ചയോടുകൂടിയാണ് കൊറ്റാമം സ്വദേശി അജയന്‍, സന്തോഷിന്‍റെ ഓട്ടോയില്‍ കയറുന്നത്. മുപ്പത് രൂപ മിനിമം ചാര്‍ജ് ആവശ്യപ്പെട്ടപ്പോള്‍ അമിത തുകയാണെന്നും നല്‍കാനാവില്ലെന്നും പറഞ്ഞ് ഇവര്‍ തമ്മില്‍ വാക്കുതര്‍ക്കമുണ്ടായി. പണം നല്‍കാതെ പോയ അജയന്‍ കാറില്‍ ഒരു സംഘവുമായെത്തി ഓട്ടോ അടിച്ചുതകര്‍ത്തെന്നാണ് സന്തോഷ് പറയുന്നത്.
അജയന്‍ മുമ്പും പ്രദേശത്തെ ഗുണ്ടാ ആക്രമണങ്ങളില്‍ പങ്കാളിയായിരുന്നെന്ന് ഓട്ടോതൊഴിലാളികള്‍ പറഞ്ഞു. മൂന്നംഗ സംഘമാണ് ആക്രമണം നടത്തിയത്. ഒരാള്‍കൂടിയാണ് പിടിയിലാകാനുള്ളത്.
Next Story
Adjust Story Font
16
